Jɔshwa 7:24 - Krio Fɔs Oli Baybul

²⁴ Nain Jɔshwa ɛn ɔl di pipul dɛn kɛr Ekan ɛn di tin dɛn we i tif, in bɔy ɛn gial pikin dɛn, in kaw dɛn, dɔŋki dɛn ɛn in ship dɛn, in tɛnt ɛn ɔltin we i gɛt, go na Trɔbul Vali.

Jɔshwa 7:24 Referans Kwoze

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

Ozie 2:15

Na de a go gi am greps gadin dɛn, n a go mek di Trɔbul Vali, we kin gɛt ɔlkayn trɔbul, ples we pɔsin go pas we i abop. Na de i go ansa mi lɛk aw i bin du we in na bin yɔŋgyal, di tɛm we i bin jɛs kɔmɔt Ijipt.

Ayzaya 65:10

Sharɔn go tɔn say we ship ɛn got de it gras ɛn Eko vali go tɔn ples fɔ kaw fɔ lidɔm fɔ mi pipul dɛn we dɔn de fɛn mi.

Jɔshwa 15:7

Di bɔda kɔmɔt Trɔbul Vali go ɔp Dɛbi ɛn tɔn lɛk yu de go Gilgal we de ɔpozit di rod fɔ go ɔp Adumim na di sawt pat na di vali. I go rich usay wata de kɔmɔt ɔnda grɔn we dɛn kin kɔl Ɛnshɛmɔsh spriŋ ɛn strɛch go na Ɛnrogɛl,

Jɔshwa 7:26

Nain dɛn pak ston dɛn ay ay wan kɔba dɛn. Te to di tɛm we dɛn bin de rayt dis buk, dɛn bin stil de kɔl di ples, Trɔbul Vali ɛn di ston dɛn bin stil pak de. Afta dɛn dɔn kil Ekan, PAPA GƆD in at bin dɔn kol fɔ Izrɛl.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ɛkliziastis 5:13

Wan bad tin de we de apin na dis wɔl, na dat jɛntriman de gɛda jɛntri te i mɔna dɛn,

Job 20:15

I kin swɛla jɛntri ɛn vɔmit am bak; na PAPA GƆD kin pul am kɔmɔt nain bɛlɛ.

Jɔshwa 7:1

PAPA GƆD bin tɛl di Izrɛlayt dɛn se dɛn fɔ bɔn Jɛriko ɛn dɛn nɔ fɔ tek natin we i dɔn se dɛn fɔ bɔn. Ekan we kɔmɔt na Juda, na kami in bɔypikin. Kami na Zabdi in yon bɔypikin. Zabdi na Zɛra in bɔy in yon pikin. Ekan tek sɔm pan di tin dɛn, ɛn dat bin mek PAPA GƆD vɛks bad bad wan pan Izrɛl.

Jɔshwa 6:21

Dɛn nyakanyaka Jɛriko bad bad wan. Dɛn chap ɔlman wit dɛn sɔd; man o, uman o, pikin o, kaw o, ship o, dɔŋki o, dɛn nɔ lɛf nɔbɔdi.

Jɔshwa 6:18

Jɔshwa wɔn di pipul dɛn lɛ dɛn nɔ tek natin pan di tin dɛn na di siti we dɛn dɔn se dɛn go sakrifays to PAPA GƆD, lɛ trɔbul nɔ go mit dɛn.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Jɔshwa 7:23

Di man dɛn tek di tin dɛn go put bifo di Kɔvinant bɔks usay Jɔshwa bin tinap, ɛn ɔl di pipul dɛn si dɛn.

Jɔshwa 22:20

Finɛas ɛn di bigman dɛn na di wɛst mɛmba dɛn bɔt aw Ekan bin tek di tin dɛn we PAPA GƆD se nɔ fɔ tek we nɔto in waŋren bin sɔfa; na di wanol Izrɛl sɔfa.