Jɔshwa 7:22 - Krio Fɔs Oli Baybul

²² So Jɔshwa sɛn sɔm man dɛn fɔ go luk na Ekan in tɛnt, ɛn dɛn fɛn di tin dɛn de. Jɔs lɛkɛ aw i se, na di silva bin de ɔnda.

Jɔshwa 7:22 Referans Kwoze

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Jɔshwa 7:23

Di man dɛn tek di tin dɛn go put bifo di Kɔvinant bɔks usay Jɔshwa bin tinap, ɛn ɔl di pipul dɛn si dɛn.

Ditarɔnɔmi 25:19

Mozis se we PAPA GƆD we na dɛn PAPA GƆD go dɔn mek dɛn dɔn kɔnka ɔl dɛn ɛnimi dɛn we de rawnd dɛn, ɛn dɛn dɔn sidɔm gud gud wan na di land we PAPA GƆD we na dɛn PAPA GƆD go dɔn gi dɛn as dɛn yon prɔpati, dɛn nɔ fɔ fɔgɛt fɔ kil ɔl di Amalɛkayt dɛn, ɛn wan nɔ fɔ lɛf, so nɔbɔdi nɔ go mɛmba dɛn igen na dis wɔl.