Jɔshwa 7:20 - Krio Fɔs Oli Baybul

²⁰ Nain Ekan se na tru se in dɔn kɔmit sin to PAPA GƆD we na di PAPA GƆD na Izrɛl ɛn i tɛl an wetin i du.

Jɔshwa 7:20 Referans Kwoze

Di Sam Dɛm 38:18

Ivin we a dɔn kɔnfɛs mi sin; di sin dɛn de mek mi at ɛŋ.

Matyu 27:4

I se, “A dɔn sin, bikɔs a dɔn sɛl pɔsin we nɔ du bad ɛn dat go mek dɛn kil am.” Dɛn se, “Wi nɔ bisin de, dat na yu biznɛs.”

Job 33:27

mɔtalman go siŋ usay pipul dɛn de, se: a dɔn kɔmit sin ɛn dɔn du wetin nɔ rayt, bɔt PAPA GƆD nɔ du mi natin.

Job 7:20

If a sin, i nɔ gɛt natin fɔ du wit yu. Yu dɔn mek mi tagɛt. I tan lɛk se mi na ebi lod fɔ yu.

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

Di Nɔmba Dɛm 22:34

Belam tɛl PAPA GƆD in enjɛl se i dɔn du bad. I se i nɔ bin no se na PAPA GƆD in enjɛl bin de tinap bifo am fɔ blɔk in we bɔt if i nɔ gladi wit wetin in di Belam de du, i kin tɔn bak.

Ɛksodɔs 10:16

Di kiŋ sɛn kwik kwik wan go kɔl Mozis ɛn Erɔn ɛn se, in dɔn sin to dɛn PAPA GƆD ɛn to dɛnsɛf.

Jɛnɛsis 42:21

Dɛn tɛl dɛnsɛf se, dɛn de sɔfa fɔ wetin dɛn bin du to dɛn brɔda. Dɛn se, dɛn bin si aw i bin sɔri we i de beg dɛn, bɔt dɛn nɔ yɛri. Na dat mek dɛn de pan trɔbul so naw.

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Matyu 26:9

I bin fɔ gɛt plɛnti kɔpɔ if i bin sɛl di sɛnt, ɛn sheb di kɔpɔ gi dɛn pipul we nɔ gɛt natin.”