Jɔshwa 7:19 - Krio Fɔs Oli Baybul

¹⁹ Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Jɔshwa 7:19 Referans Kwoze

1 Samiɛl 6:5

Dɛn se na fɔ mek dɛn tin de we de sho di bɔmp na dɛn bɔdi ɛn di arata dɛn we dɔn de kil di pipul dɛn ɛn pwɛl di kɔntri. Dɛn se dat go sho Izrɛl dɛn PAPA GƆD se dɛn biliv se in pawaful ɛn sɔntɛm dat go mek i lɛf fɔ pɔnish dɛn, dɛn land ɛn dɛn gɔd dɛn.

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Jɔn 9:24

Di Ju bigman dɛn kɔl di man we bin blɛn kam bak, ɛn tɛl am se, “Swɛ bifo Gɔd se na tru yu de kam tɔk! Wi no se da man we mɛn yu, na man we gɛt sin nain layf.”

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

2 Kronikuls 30:22

Ɛn Ɛzikaya tɔk to di Livayt dɛm ɛn ɛnkɔrej dɛm wan we sho se dɛn gɛt skil pan PAPA GƆD in savis.

1 Samiɛl 14:43

So Sɔl aks Jonɛthan wetin i du. Jonɛthan tɛl am se na tes nɔmɔ i tek in tik tes ɔni. I tɛl am se if i fɔ day fɔ dat, mek i day.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Rɛvɛleshɔn 16:9

Di pipul dɛn we di san in faya bin de bɔn, bigin kɔs Gɔd we gɛt pawa fɔ mek i tap dɛn bad bad tin ya. Bɔt dɛn nɔ gri lɛf fɔ sin ɛn dɛn nɔ gri prez Gɔd we gɛt pawa.

Jems 1:20

Bikɔs pɔsin we gɛt wam at nɔ go ebul du di gud we Gɔd want mek i du.

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Lɛta Fɔ Rom 10:10

Wɛn wi biliv pan Krays, Gɔd de mek ɔltin rayt bitwin wi ɛn insɛf; ɛn wɛn wi tɛl pipul se wi biliv pan Krays, Gɔd go sev wi.

Lyuk 17:18

Nɔbɔdi nɔ kam bak fɔ kam tɛl Gɔd tɛnki pas dis trenja in wangren nɔmɔ?”

Ayzaya 13:12

A go mek pipul at fɔ si pas piɔ gold, ɛn mɔtalman go at fɔ si pas gold we kɔmɔt Ofir.

Di Sam Dɛm 51:3

A no se a dɔn sin, ɛn ɔltɛm mi sin dɛn de fala mi.

Jɔshwa 7:20

Nain Ekan se na tru se in dɔn kɔmit sin to PAPA GƆD we na di PAPA GƆD na Izrɛl ɛn i tɛl an wetin i du.

2 Kiŋ 20:15

I aks am bak se we dɛn kam wetin dɛn si. I ansa am se dɛn si ɔltin nain os, ɛn natin nɔ de pan in jɛntri we i nɔ sho dɛn.