Jɔshwa 7:17 - Krio Fɔs Oli Baybul

¹⁷ dɔn i mek dɛn tinap tinap frɔn dɛn difrɛn grampa dɛn kam dɔŋ. Na Zɛra ɛn in pikin dɛn, granpikin ɛn gret granpikin dɛn PAPA GƆD pik. Jɔshwa mek dɛn tinap bay famili ɛn na Zabdi in famili PAPA GƆD bin pik.

Jɔshwa 7:17 Referans Kwoze

Di Nɔmba Dɛm 26:20

Di wan dɛn we kɔmɔt na Juda in fambul layn na: bay Shila, dat na di Shilanayt; bay Pɛrɛz, dat na di Pɛrɛzayt; bay Zira, dat na di Ziraayt.

Jɛnɛsis 38:30

Dɔn in brɔda bɔn wit di rɛd trɛd nain an ɛn dɛn gi am nem Zira.

Di Nɔmba Dɛm 26:13

bay Zira, dat na Ziraayt, bay Shaul, dat na di Shaulayt.

Jɔshwa 7:16

So Jɔshwa wek ali di nɛks mɔnin ɛn mek ɔl di fambul dɛn na Izrɛl tinap bifo di Ak ɔf di Kɔvinant wan bay wan, ɛn na di Juda fambul PAPA GƆD bin pik;

Jɔshwa 7:18

So Jɔshwa mek dɛn tinap bifo di ak wan bay wan ɛn na Ekan we na Zɛra in pikin we nem Zabdi, in yon pikin we nem Kami, PAPA GƆD bin pik.