Jɔshwa 7:15 - Krio Fɔs Oli Baybul

¹⁵ Di pɔsin we dɛn go kech wit di tin dɛn we PAPA GƆD bin dɔn se dɛn fɔ nyakanyaka, dɛn go bɔn in, in wɛf ɛn pikin dɛn ɛn ɔl dɛn prɔpati na faya bikɔs i dɔn pwɛl di agrimɛnt we dɛn mek wit PAPA GƆD ɛn dɔn mek Izrɛl dɔn shem na di wɔl.

Jɔshwa 7:15 Referans Kwoze

Jɛnɛsis 34:7

As i de rich de so, Jekɔb in bɔypikin dɛn de kɔmɔt na di fil kam bak. We dɛn yɛri wetin apin, dɛn fil bad ɛn vɛks bad bad wan fɔseka we Shɛkɛm tampa wit dɛn sista. Na disgres fɔ mek Shɛkɛm fityay Izrɛl pipul dɛn da we de ɛn rep Jekɔb in gyal pikin we na tin dat we nɔ fɔ bi.

Di Jɔj Dɛm 20:6

I se so in tek in switat in bɔdi, kɔt am pispis, ɛn sɛn am go alsay na di kɔntri we Izrɛlayt dɛn de, bikɔs dɛn dɔn du bad bad tin na Izrɛl we mek Izrɛl dɔn gɛt trɔbul.

2 Samiɛl 13:13

I se in nɔ go gɛt fes sɛf fɔ waka na trit ɛn ɔlman nɔ go luk Amɔn wit wan bɛtɛ yay na Izrɛl. I se duya mek Amɔn go aks di kiŋ ɛn i go mek dɛn ɔltu mared.

1 Samiɛl 26:21

Da tɛm de, Sɔl mek lɛk pɛnitɛnt sina. I kɔl Devid in bɔypikin ɛn tɛl am fɔ kam bak. I se da de de, Devid dɔn sho am se in layf gɛt valyu so in nɔ go tray fɔ du Devid bad igen I se in biev lɛk fulman ɛn dɔn du bad bad tin.

Jɔshwa 7:11

PAPA GƆD se Izrɛl dɔn kɔmit sin bikɔs dɛn dɔn jomp in wɔd. I se di agrimɛnt we dɛn bin gɛt, na fɔ nyakanyaka ɔltin na Jɛriko, bɔt dɛn dɔn tif sɔm pan di tin dɛn put pan dɛn yon ɛn dɛn de lay.

Jɔshwa 7:16

So Jɔshwa wek ali di nɛks mɔnin ɛn mek ɔl di fambul dɛn na Izrɛl tinap bifo di Ak ɔf di Kɔvinant wan bay wan, ɛn na di Juda fambul PAPA GƆD bin pik;

Di Jɔj Dɛm 20:5

Nain di man dɛn na Gibia sɔrawnd di os da nɛt de. I se dɛn bin min fɔ kil am. I se dɛn rabish in switat ɛn i day.

Di Jɔj Dɛm 20:10

Dɛn se wan pat pan tɛn pat pan di man dɛn na Izrɛl, go de fɔ di it say. Ɔl di ɔda wan dɛn go go fɛt Gibia fɔ di bad bad dɔti gem we dɛn ple we mek Izrɛl dɔn gɛt trɔbul.