Jɔshwa 6:6 - Krio Fɔs Oli Baybul

⁶ So Jɔshwa we na Nɔn in pikin kɔl di man dɛn we de mek sakrifays fɔ pipul sin, we kin tot di Ak ɔf di Kɔvinant ɛn tɛl dɛn se lɛ dɛn tot di Ak ɔf di Kɔvinant ɛn lɛ sɛvin ɔda man dɛn we de mek sakrifays fɔ pipul sin, de blo sɛvin trɔmpɛt we dɛn tek man ship ɔn mek, bifo PAPA GƆD in ak.

Jɔshwa 6:6 Referans Kwoze

Apɔsul Dɛn Wok 9:1

Da sem tɛm de, Sɔl bin stil de mek Jizɔs in apɔsul dɛn sɔfa, ɛn i bin want kil dɛn. I go to di bigman we de mek sakrifays fɔ pipul sin

Jɔshwa 6:13

Di sɛvin man we de mek sakrifays fɔ pipul sin we de blo di trɔmpɛt we dɛn tek man ship ɔn mek, de bifo PAPA GƆD in ak de blo di trɔmpɛt dɛn ɛn nɔ de tap. Di sojaman dɛn we bin ol wɛpɔn bin de bifo dɛn, bɔt di gyadman dɛn we fɔ de biɛn bin de biɛn PAPA GƆD in ak ɛn dɛn bin de blo di trɔmpɛt ɛn nɔ de tap.

Jɔshwa 6:8

Di pipul dɛn du ɔl wetin Jɔshwa tɛl dɛn fɔ du; sɛvin man dɛn we de mek sakrifays fɔ pipul sin de bifo di Ak ɔf di Kɔvinant de blo trɔmpɛt we na man ship ɔn dɛn tek mek dɛn ɛn PAPA GƆD in Ak ɔf di Kɔvinant bin de biɛn dɛn.

Jɔshwa 3:6

I tɛl di man dɛn we de mek sakrifays fɔ pipul sin fɔ tot di Ak ɔf di Kɔvinant de go bifɔ. Dɛn tek di Ak ɔf di Kɔvinant ɛn go bifo.

Jɔshwa 3:3

ɛn tɛl di Izrɛlayt dɛn se, we dɛn si di man dɛn we de mek sakrifays fɔ pipul sin tot PAPA GƆD we na dɛn Gɔn in Ak ɔf di Kɔvinant de go, dɛn ɔl fɔ de biɛn am,

Ɛksodɔs 25:14

Una fɔ wɛr di pol dɛn insay di riŋ na di bɔks in sayd. Na so una go du fɔ tot di bɔks.

Jɔshwa 6:5

PAPA GƆD se we dɛn dɔn mach rawnd di siti sɛvin tɛm, di man dɛn we de mek sakrifays fɔ pipul sin fɔ blo di trɔmpɛt lawd lawd wan fɔ lɔŋ, ɛn as dɛn blo di lɔŋ blo so, ɔl di pipul dɛn fɔ ala lawd lawd wan. Di wɔl na di siti go fɔdɔm flat wan ɛn ɔl di sojaman dɛn go jɔs rɔn go insay.

Jɔshwa 6:7

I tɛl di pipul dɛn se lɛ dɛn mach rawnd di siti, ɛn sɔm sojaman wit dɛn wɛpɔn dɛn fɔ de bifo di Ak ɔf di Kɔvinant.

1 Samiɛl 4:3

Wɛn di balans Izrɛlayt sojaman dɛn go bak usay dɛn de kamp, di bigman dɛn aks dɛnsɛf wetindu PAPA GƆD mek di Filistin dɛn win dɛn bad wan so. Dɛn se dɛn fɔ go tek di ak ɔf di Kɔvinant na Shaylɔ kam de wit dɛn. Dɛn se, di ak we go sho se PAPA GƆD de wit dɛn, go ɛp dɛn fɔ win di Filistin dɛn.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.