Jɔshwa 6:4 - Krio Fɔs Oli Baybul

⁴ PAPA GƆD se na sɛvin man dɛn we de mek sakrifays fɔ pipul sin fɔ de mach bifo di Ak ɔf di Kɔvinant de blo sɛvin trɔmpɛt we dɛn tek man ship ɔn mek; bɔt we di de we mek sɛvin rich, Jɔshwa ɛn di sojaman dɛn na Izrɛl fɔ mach rawnd di siti sɛvin tɛm ɛn di man dɛn we de mek sakrifays fɔ pipul sin, fɔ de blo dɛn trɔmpɛt.

Jɔshwa 6:4 Referans Kwoze

Rɛvɛleshɔn 16:1

Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”

2 Kronikuls 20:17

Una nɔ gɛ gɛt fɔ fɛt na dis fɛt; una tek una pozishɔn ɛn tinap ɛn nɔ du natin, ɛn wach we PAPA GƆD de bit dɛn fɔ una, una we de Juda ɛn Jerusɛlɛm.’ Una nɔ fred ɛn nɔ pwɛlat; Tumara, una go fɛt dɛm ɛn PAPA GƆD go de wit una.

Rɛvɛleshɔn 8:2

Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt.

2 Kronikuls 20:21

Wɛn i dɔn ɛŋ ed wit di pipul dɛn dɔn, i pik di wan dɛn we fɔ siŋ to PAPA GƆD ɛn prez am we dɛn wɛr oli klos, we dɛn de waka bifo di ami de siŋ se, “Tɛl PAPA GƆD tɛnki, bikɔs in lɔv we nɔ de chenj so te go.”

1 Kiŋ 18:43

Dɔn i tɛl in wokman se lɛ i go luk to di si if i si ɛnitin. Di wokman go ɛn kam bak se in nɔ si natin. Ilayja mek i go luk de sɛvin tɛm.

Lɛvitikɔs 14:16

dɔk di fiŋa we i de tek pɔynt nain raytan insay di ɔyl we de nain lɛfan ɛn sprinkul am bifo PAPA GƆD sɛvin tɛm.

Rɛvɛleshɔn 15:7

Dɛn wan pan di fo tin dɛn we gɛt layf gi di sɛvin enjɛl dɛn sɛvin gold kɔp; di pɔnish we Gɔd, we de sote go, go pɔnish di wɔl, nain bin ful insay di sɛvin kɔp dɛn.

Rɛvɛleshɔn 15:1

A si wan ɔda wɔndaful tin na di klawd we mek a bin jɛs de wɔnda. Sɛvin enjɛl dɛn bin de wit sɛvin bad bad tin dɛn, we na di las wan dɛn, bikɔs na di las tin dɛn dat, we Gɔd go tek sho mɔtalman se in vɛks pan dɛn.

Rɛvɛleshɔn 10:3

I ala lawd wan wit vɔys we fiba layɔn vɔys. Wɛn i dɔn ala dɔn, di sɛvin tɛnda dɛn krak fɔ ansa am.

Rɛvɛleshɔn 8:6

Dɛn di sɛvin enjɛl dɛn we bin ol di sɛvin trɔmpɛt dɛn, bin de rɛdi fɔ blo dɛn.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

2 Kiŋ 5:10

Ilaɛlsha sɛn mɛsej to am se lɛ i go was na Riva Jɔdan sɛvin tɛm, dɔn i go wɛl.

Di Nɔmba Dɛm 23:1

Belam se fɔ bil sɛvin ɔlta de fɔ am ɛn fɔ gi am sɛvin man kaw ɛn sɛvin manship.

Zɛkaraya 4:6

Dɔn di enjɛl tɛl am se PAPA GƆD want am fɔ no se nɔto bay di trɛnk ɔ pawa we i gɛt bɔt na bay PAPA GƆD in Spirit.

Zɛkaraya 4:2

Di enjɛl aks am wetin i si. Zɛkaraya tɛl am se i si wan lampstand we dɛn tek gold mek dɔn i gɛt wan bolpantap am ɛn ɔda sɛvin lamp we gɛt sɛvin ples fɔ put wik pantap dɛn.

Ayzaya 27:13

Ɛn da tɛm de, dɛn go blo wan big big trɔmpɛt, ɛn dɛn wan we bin lɔs na Asiria, ɛn dɛn wan dɛn we dɛn bin drɛb go Ijipt, go kam wɔship PAPA GƆD na di oli mawnten na Jerusɛlɛm.

Job 42:8

PAPA GƆD se dɛn fɔ kɛr sɛvin man kaw ɛn sɛvin man ship go to Job we nain wokman, ɛn go ɔfa sakrifays we dɛn de bɔn na faya, fɔ pul dɛn ed. I se Job go pre fɔ dɛn ɛn in go ansa di pre we Job go pre, lɛ in nɔ pɔnish dɛn fɔ di fulish tin we dɛn du; i se dat na we dɛn nɔ se di rayt tin bɔt am, bɔt Job in bin se di rayt tin.

2 Kronikuls 20:19

Di Livayt dɛn pan di Koatayt ɛn di Koraayt dɛn, tinap fɔ prez PAPA GƆD we na Izrɛl dɛn Gɔd, lawd lawd wan.

2 Kronikuls 13:12

So, PAPA GƆD de wit wi ɛn nain na wi lida, ɛn in man dɛn we de mek sakrifays fɔ pipul sin de wit dɛn batul trɔmpɛt dɛn fɔ blo fɔ kɔl wi fɔ fɛt una. Duya Izrɛl in bɔypikin dɛm, una nɔ fɛt PAPA GƆD we na una papa dɛn Gɔd, bikɔs una nɔ go ebul.”

Lɛvitikɔs 4:6

ɛn di man we de mek sakrifays fɔ pipul sin, go dɔk di fiŋa we i de tek pɔynt ɛn sprinkul sɔm pan di blɔd sɛvin tɛm bifo PAPA GƆD, bifo di klos we ɛŋ na di sankchwari.

Jɛnɛsis 2:3

I blɛs da sem de de ɛn mek am oli, bikɔs bifo da de de bin kam, i bin dɔn dɔn ɔl wetin i gɛt fɔ du, ɛn na da de de i blo.

Jɔshwa 6:3

PAPA GƆD tɛl am igen se dɛn fɔ mach rawnd di siti wantɛm fɔ de fɔ siks de.

Jɔshwa 6:5

PAPA GƆD se we dɛn dɔn mach rawnd di siti sɛvin tɛm, di man dɛn we de mek sakrifays fɔ pipul sin fɔ blo di trɔmpɛt lawd lawd wan fɔ lɔŋ, ɛn as dɛn blo di lɔŋ blo so, ɔl di pipul dɛn fɔ ala lawd lawd wan. Di wɔl na di siti go fɔdɔm flat wan ɛn ɔl di sojaman dɛn go jɔs rɔn go insay.

Jɔshwa 6:13

Di sɛvin man we de mek sakrifays fɔ pipul sin we de blo di trɔmpɛt we dɛn tek man ship ɔn mek, de bifo PAPA GƆD in ak de blo di trɔmpɛt dɛn ɛn nɔ de tap. Di sojaman dɛn we bin ol wɛpɔn bin de bifo dɛn, bɔt di gyadman dɛn we fɔ de biɛn bin de biɛn PAPA GƆD in ak ɛn dɛn bin de blo di trɔmpɛt ɛn nɔ de tap.

2 Kiŋ 5:14

So Neman insɛf go dɔŋ na Riva Jɔdan ɛn ib insɛf sɛvin tɛm lɛkɛ aw di prɔfɛt tɛl am fɔ du; nain i wɛl; in bɔdi smut so lɛkɛ dɛn smɔl pikin.