Jɔshwa 6:26 - Krio Fɔs Oli Baybul

²⁶ Jɔshwa bin swɛ se ɛnibɔdi we go tray fɔ bil Jɛriko, PAPA GƆD go pul at pan am. Di pɔsin we go le di fawndeshɔn in fɔs pikin go day. Di pɔsin we go bil di get in las pikin go day.

Jɔshwa 6:26 Referans Kwoze

1 Kiŋ 16:34

Na di tɛm we Eab bin de rul nain Ayɛl na Bɛthɛl bil Jɛriko bak. Wɛn Ayɛl de le di fawndeshɔn, in fɔs-bɔy-pikin Abiram day, dɔn wɛn i de bil di get nain in las bɔbɔ Segub day. Ɔl dis bi fɔ mek wetin PAPA GƆD bin dɔn tɛl Jɔshwa we na Nɔn in bɔypikin bi.

Apɔsul Dɛn Wok 19:13

Sɔm Ju pipul dɛn we bin de go ɔlsay fɔ drɛb dɛbul tray fɔ tek Masta Jizɔs in nem fɔ du dat. Dɛn kin tɛl di dɛbul se, “Dɛbul, a de tɔk to yu, a tek Jizɔs we Pɔl de tɔk bɔt, in nem drɛb yu.”

Matyu 26:63

Bɔt Jizɔs nɔ tɔk natin. Nain di edman fɔ dɛn man we de mek sakrifays fɔ pipul sin tɔk igen se, “A de tek Gɔd we gɛt layf sote go, tɛl yu fɔ tɛl wi if yu na di Mɛsaya we na Gɔd in Pikin, fɔ tru.”

Malakay 1:4

If di Idɔmayt dɛn se, ɔl dɛn ples dɛn dɔn pwɛl bɔt dɛn go mek am bak, PAPA GƆD go se ivin if dɛn mek dɛn bak, in go pwɛl dɛn te ɔlman no se na pipul dɛn we PAPA GƆD go vɛks pan sote go gɛt di kɔntri.

1 Kiŋ 22:16

Bɔt di kiŋ tɛl am se ɔmɔs tɛm in nɔ dɔn tɛl am se i nɔ fɔ de tɛl am natin bɔt di tru tin we PAPA GƆD tɛl am.

2 Kiŋ 2:4

Ilayja tɛl Ilaɛlsha se lɛ i wet am na Bɛthɛl bikɔs PAPA GƆD sɛn am na Jɛriko. Ilaɛlsha tɛl am se wans PAPA GƆD de alayv ɛn in di Ilayja insɛf nɔ day yet, in nɔ go lɛf am. So dɛn ɔltu go na Jɛriko.

Jɔshwa 16:7

Di istɛn bɔda bigin na Mikmɛtath Siti ɛn tɔn sawt go Taanat Shaylɔ Siti we de nia di Jɔdan Vali, Janɔa Siti, Atarɔth Siti, Naara Siti go tap na Riva Jɔdan nia Jɛriko.