Jɔshwa 6:23 - Krio Fɔs Oli Baybul

²³ So di yɔŋ man dɛn we bin go wach di land, go ɛn go briŋ Reab ɛn in papa ɛn mama, in brɔda dɛn ɛn ɔl in fambul dɛn. Dɛn kɛr in ɛn in fambul dɛn go nia dɛn kamp.

Jɔshwa 6:23 Referans Kwoze

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

1 Kɔrint 5:12

Afta ɔl, nɔto mi biznɛs fɔ jɔj dɛn wan we nɔ de wit wi. Na Gɔd go jɔj dɛn. Bɔt una fɔ jɔj dɛn wan we una ɔl de du Gɔd wok togɛda. Dɛn rayt na Gɔd in Buk se, “Pul di pɔsin we nɔ gud kɔmɔt to una.”

Apɔsul Dɛn Wok 27:24

Di enjɛl se, ‘Pɔl, nɔ fred! Yu go tinap bifo di kiŋ na Rom; ɛn Gɔd dɔn se una ɔl go rich Rom ɛn nɔbɔdi nɔ go day.’

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Di Nɔmba Dɛm 31:19

I se ɛnibɔdi we dɔn kil pɔsin ɔ tɔch ɛnibɔdi we dɛn kil, fɔ kɔmɔt na di kamp fɔ sɛvin de. Di de we mek tri ɛn di de we mek sɛvin, dɛn fɔ was dɛnsɛf ɛn di wan we dɛn kapchɔ we de wit dɛn, mek dɛn go klin na PAPA GƆD yay.

Jɛnɛsis 18:24

If na fifti pipul de de we de du wetin rayt, yu go stil pwɛl di siti? Yu nɔ go lɛf fɔseka dɛn fifti pipul dɛn de?

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Jɔshwa 2:18

Dɛn tɛl Reab se, di de we dɛn go atak di siti, i fɔ tay da rɛd rop we dɛn de tek go dɔŋ di winda ɛn fɔ gɛda ɔl in fambul dɛn we i wan lɛ dɛn sev nain yon os.

Jɔshwa 2:13

I se dɛn fɔ si dat dɛn nɔ kil in papa, in mama, in brɔda ɛn sista dɛn ɛn dɛn wɛf, man ɛn pikin dɛn.

Jɛnɛsis 19:29

We PAPA GƆD bin wan pwɛl di siti dɛn we de na di vali usay Lɔt bin tap, i mɛmba Ebraam ɛn na dat mek i sev Lɔt ɛn nɔ mek natin du am.

Di Ibru Pipul Dɛn 11:31

Na bikɔs da trit uman we nem Reab bin biliv Gɔd mek i nɔ day di tɛm we dɛn pipul we nɔ du wetin Gɔd tɛl dɛn fɔ du, day, bikɔs i bin gladi fɔ ayd dɛn trenja we dɛn sɛn kɔmɔt Izrɛl fɔ kam wach di tɔŋ, nain os.

Jɔshwa 2:16

So Reab advays dɛn fɔ go ayd ɔp di il dɛn so dat di kiŋ in man dɛn nɔ go mit dɛn na rod. I se we di kiŋ in man dɛn go dɔn luk fɔ dɛn fɔ tri de, dɛn go tɔn bak go Jɛriko. Datɛnde, dɛn go fri fɔ go bak na dɛn kamp.

Di Jɔj Dɛm 1:25

Di man sho dɛn di rod fɔ go insay di siti. Di Ifrem ɛn Manasɛ fambul dɛn kil ɔlman na di siti, bɔt dɛn lɛf di man we bin sho dɛn di rod, ɛn in famili.