Jɔshwa 6:20 - Krio Fɔs Oli Baybul

²⁰ So di man dɛn we de mek sakrifays fɔ pipul sin we ol di trɔmpɛt dɛn, blo dɛn. As dɛn blo di trɔmpɛt dɛn so, nain di pipul dɛn ɔl ala lawd lawd wan ɛn di wɔl we de rawnd Jɛriko, fɔdɔm flat wan na grɔn. Di Izrɛlayt dɛn ɔl rɔn go insay di siti ɛn kapchɔ di siti.

Jɔshwa 6:20 Referans Kwoze

Di Ibru Pipul Dɛn 11:30

Semwe so, na bikɔs di Izrɛl pipul dɛn bin biliv Gɔd mek di wɔl we bin de rawnd di tɔŋ we nem Jɛriko, fɔdɔm. Di wɔl fɔdɔm afta di pipul dɛn dɔn waka sɛvin de rawnd am.

Jɔshwa 6:5

PAPA GƆD se we dɛn dɔn mach rawnd di siti sɛvin tɛm, di man dɛn we de mek sakrifays fɔ pipul sin fɔ blo di trɔmpɛt lawd lawd wan fɔ lɔŋ, ɛn as dɛn blo di lɔŋ blo so, ɔl di pipul dɛn fɔ ala lawd lawd wan. Di wɔl na di siti go fɔdɔm flat wan ɛn ɔl di sojaman dɛn go jɔs rɔn go insay.

1 Samiɛl 4:5

We dɛn rich na di kamp wit di ak ɔf di Kɔvinant, ɔlman na di kamp da tɛm de, so ala wit gladi dat di grɔn usay dɛn bin de insɛf shek.

2 Kronikuls 13:15

Nain di man dɛn na Juda ala fɔ lɛ di fɛt bigin. We di man dɛn na Juda ala, PAPA GƆD bit Jɛroboam ɛn di wanol Izrɛl bifo Abija ɛn Juda dɛn yay.

Zɛfinaya 1:16

na tɛm we wɛn di trɔmpɛt go blo so, ɔlman go ala se tɛm dɔn rich fɔ fɛt. Dɔn dɛn ples we dɛn bin min se nɔbɔdi nɔ go go bikɔs i trɔŋ, nain dɛn go atak wit ɔl dɛn ay ay wɔl.