Jɔshwa 6:18 - Krio Fɔs Oli Baybul

¹⁸ Jɔshwa wɔn di pipul dɛn lɛ dɛn nɔ tek natin pan di tin dɛn na di siti we dɛn dɔn se dɛn go sakrifays to PAPA GƆD, lɛ trɔbul nɔ go mit dɛn.

Jɔshwa 6:18 Referans Kwoze

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.

Lɛta Fɔ Ɛfisɔs 5:11

Una nɔ du dɛn tin we dɛn ɔda pipul de du we nɔ go ɛp nɔbɔdi, na dɛn pipul we de na dak de du dɛn kayn tin ya; bɔt una fɔ briŋ dɛn tin ya kam na layt.

Jɔshwa 7:1

PAPA GƆD bin tɛl di Izrɛlayt dɛn se dɛn fɔ bɔn Jɛriko ɛn dɛn nɔ fɔ tek natin we i dɔn se dɛn fɔ bɔn. Ekan we kɔmɔt na Juda, na kami in bɔypikin. Kami na Zabdi in yon bɔypikin. Zabdi na Zɛra in bɔy in yon pikin. Ekan tek sɔm pan di tin dɛn, ɛn dat bin mek PAPA GƆD vɛks bad bad wan pan Izrɛl.

Jɔshwa 7:25

We dɛn kɛr dɛn go de, nain Jɔshwa se, bikɔs i dɔn gi dɛn waala, PAPA GƆD insɛf go gi an waala. Nain di pipul dɛn ston Ekan ɛn in pikin dɛn te dɛn day; dɔn dɛn bɔn dɛn wit ɔl dɛn prɔpati dɛn.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Jona 1:12

Jona se dɛn fɔ trowe am na di wata so dat di wata nɔ go rɔf igen. I se in no se di tinada de blo bikɔs ɔf wetin i du ɛn dat nain dɔn put dɛn pan trɔbul so.

Ɛkliziastis 9:18

Fɔ gɛt sɛns bɛtɛ pas fɔ gɛt tin dɛn fɔ tek fɛt, ɛn na wan rɔtin fish de pwɛl ɔl di ɔda wan dɛn.

2 Samiɛl 21:1

Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.

Ditarɔnɔmi 7:26

Mozis advays dɛn nɔ fɔ kɛr dɛn tin dɛn de go na dɛn os dɛn lɛ dɛn nɔ go gɛt di swɛ we dɛn tin dɛn de bin dɔn gɛt. I se dɛn fɔ et dɛn tin dɛn de bikɔs swɛ de pan.

Jɔshwa 7:15

Di pɔsin we dɛn go kech wit di tin dɛn we PAPA GƆD bin dɔn se dɛn fɔ nyakanyaka, dɛn go bɔn in, in wɛf ɛn pikin dɛn ɛn ɔl dɛn prɔpati na faya bikɔs i dɔn pwɛl di agrimɛnt we dɛn mek wit PAPA GƆD ɛn dɔn mek Izrɛl dɔn shem na di wɔl.

Ditarɔnɔmi 13:17

I advays dɛn se dɛn nɔ fɔ tek natin pan di tin dɛn we na fɔ PAPA GƆD. I se dɛn fɔ bɔn dɛn ɔl. Dat go mek PAPA GƆD nɔ go vɛks pan dɛn igen, bɔt i go de sɔri fɔ dɛn ɛn go mek bɛtɛ fala dɛn. I se i go mek dɛn bɔn bɔku pikin dɛn, jɔs lɛk aw i bin dɔn prɔmis dɛn fɔstɛm-papa dɛn,

Jɔshwa 7:13

PAPA GƆD tɛl Jɔshwa se mek i go tɛl di pipul dɛn se mek di pipul dɛn mek dɛnsɛf klin bifo in PAPA GƆD, bikɔs in PAPA GƆD we na dɛn PAPA GƆD se, di tin dɛn we i bin dɔn se fɔ nyakanyaka de na dɛn kamp, ɛn pas dɛn pul dɛn ɛn nyakanyaka dɛn, dɛn go de lɔs fɛt ɔltɛm.

Ditarɔnɔmi 23:10

If ɛni sojaman du sɔntin na nɛt we mek i nɔ klin bifo PAPA GƆD, da sojaman de fɔ kɔmɔt na di kamp tret,

1 Samiɛl 15:9

Sɔl ɛn in sojaman dɛn nɔ lɛf Egag nɔmɔ, dɛn nɔ pwɛl natin we gud lɛkɛ di bɛst ship ɛn kaw, dɛn fat fat kaw pikin ɛn dɛn fayn yɔŋ ship dɛn. Dɛn nɔ bin gladi fɔ dɔnawe wit dɛn tin ya bɔt ɛnitin we dɛn nɔ lɛk ɔ we nɔ fayn, dɛn bin dɔnawe wit dɛn kpatakpata.