Jɔshwa 6:15 - Krio Fɔs Oli Baybul

¹⁵ Di de we mek sɛvin, dɛn grap ali mɔnin, as do klin so ɛn mach rawnd di siti, di sem we we dɛn kin mach rawnd di siti, bɔt da de de, na sɛvin tɛm dɛn go rawnd di siti, ɛn na da de de nɔmɔ dɛn dɔn mach rawnd di siti sɛvin tɛm.

Jɔshwa 6:15 Referans Kwoze

Di Sam Dɛm 119:147

Bifo do klin a dɔn grap de pre fɔ mek yu ɛp mi; a abop pan wetin yu se.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Matyu 28:1

Afta di de fɔ pre ɛn blo dɔn pas, ali Sɔnde mɔnin, Meri we kɔmɔt Magdala, ɛn di ɔda Meri go luk di ston grev.

Di Ibru Pipul Dɛn 11:30

Semwe so, na bikɔs di Izrɛl pipul dɛn bin biliv Gɔd mek di wɔl we bin de rawnd di tɔŋ we nem Jɛriko, fɔdɔm. Di wɔl fɔdɔm afta di pipul dɛn dɔn waka sɛvin de rawnd am.

Jɔshwa 6:14

Dɛn mach rawnd di siti wan tɛm bak da sɛkɛn de de. We dɛn dɔn, dɛn go bak na dɛn kamp go slip. Na so dɛn du fɔ siks de.

Jɔshwa 6:16

As dɛn go rawnd di tɛm we mek sɛvin so, we di man dɛn we de mek sakrifays fɔ pipul sin blo dɛn trɔmpɛt dɛn, nain Jɔshwa tɛl di Izrɛlayt dɛn se lɛ dɛn ala, bikɔs PAPA GƆD dɔn gi dɛn di siti.

Jɔshwa 3:1

Di nɛks de, Jɔshwa ɛn ɔl di Izrɛlayt dɛn grap kwik na mɔnin. Dɛn kɔmɔt usay dɛn bin kamp na Akasia ɛn put ed wɛst de go Riva Jɔdan. Na de dɛn kamp de wet te di tɛm rich fɔ dɛn fɔ krɔs Riva Jɔdan.