Jɔshwa 6:13 - Krio Fɔs Oli Baybul

¹³ Di sɛvin man we de mek sakrifays fɔ pipul sin we de blo di trɔmpɛt we dɛn tek man ship ɔn mek, de bifo PAPA GƆD in ak de blo di trɔmpɛt dɛn ɛn nɔ de tap. Di sojaman dɛn we bin ol wɛpɔn bin de bifo dɛn, bɔt di gyadman dɛn we fɔ de biɛn bin de biɛn PAPA GƆD in ak ɛn dɛn bin de blo di trɔmpɛt ɛn nɔ de tap.

Jɔshwa 6:13 Referans Kwoze

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Matyu 24:13

Bɔt Gɔd go sev ɛnibɔdi we bia sote i day.

1 Kronikuls 15:26

Bikɔs PAPA GƆD ɛp di Livayt dɛn we bin tot di PAPA GƆD in Ak ɔf di Kɔvinant, dɛn sakrifays sɛvin man kaw ɛn ɛn sɛvin man ship.

Di Nɔmba Dɛm 10:25

Di wan dɛn na Dan Kamp, na dɛn las go wit dɛnsɛf yon bana bay aw dɛn bin de. Na dɛn na bin di sikyɔriti we lɛf biɛn ɛn na Eayiza we na Amishaday in bɔypikin bin de lid dɛn.

Jɔshwa 6:4

PAPA GƆD se na sɛvin man dɛn we de mek sakrifays fɔ pipul sin fɔ de mach bifo di Ak ɔf di Kɔvinant de blo sɛvin trɔmpɛt we dɛn tek man ship ɔn mek; bɔt we di de we mek sɛvin rich, Jɔshwa ɛn di sojaman dɛn na Izrɛl fɔ mach rawnd di siti sɛvin tɛm ɛn di man dɛn we de mek sakrifays fɔ pipul sin, fɔ de blo dɛn trɔmpɛt.

Jɔshwa 6:9

Fɛtman dɛn we ol wɛpɔn bin de mach bifo di man dɛn we de mek sakrifays fɔ pipul sin we de blo di trɔmpɛt dɛn ɛn nɔ de tap we dɛn bin de mach, ɛn di sojaman dɛn we fɔ de biɛn, bin de biɛn di ak.

Jɔshwa 6:12

Di nɛks de, Jɔshwa wek ali mɔnin. Di man dɛn we de mek sakrifays fɔ pipul sin tot PAPA GƆD in Ak ɔf di Kɔvinant.

Jɔshwa 6:14

Dɛn mach rawnd di siti wan tɛm bak da sɛkɛn de de. We dɛn dɔn, dɛn go bak na dɛn kamp go slip. Na so dɛn du fɔ siks de.