Jɔshwa 5:6 - Krio Fɔs Oli Baybul

⁶ Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

Jɔshwa 5:6 Referans Kwoze

Di Nɔmba Dɛm 14:23

go ɛva si di land we a prɔmis dɛn fɔstɛm pipul ɛn swɛ se a go gi to dɛn. Dɛn nɔn we biev ɛniaw to mi nɔ go si da land de.

Ditarɔnɔmi 2:14

I se frɔm di tɛm we dɛn bin lɛf Kedɛsh Bania te di tɛm we dɛn krɔs da Zɛrɛd Riva, i bin dɔn tek tati-et ia. Da tɛm de, ɔl di sojaman dɛn bin dɔn day bikɔs PAPA GƆD bin dɔn swɛ se dɛn go day.

Di Ibru Pipul Dɛn 3:11

A bin vɛks pan dɛn, so a tek oth se, ‘Dɛn nɔ go kam da say we a de, dɛn nɔ go sidɔm blo!’”

Ditarɔnɔmi 2:7

Mozis mɛmba dɛn se PAPA GƆD bin de blɛs ɔltin we dɛn bin de du ɛn ɔl di fɔti ia we dɛn de waka, dɛn nɔ slip aŋri wande; I bin de du ɔltin fɔ dɛn we dɛn bin de na di ɛmti ples we pipul nɔ go ebul tap.

Ditarɔnɔmi 1:3

Di fɔs de na di ilɛvin mɔnt insay di ia we mek fɔti ia we di Izrɛlayt dɛn bin kɔmɔt Ijipt, Mozis bin tɛl dɛn ɔltin we PAPA GƆD bin tɛl am fɔ tɛl dɛn,

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Izikɛl 20:15

Ɛn na so a bin swɛ na di say we ɛmti ɛn dray we natin nɔ de, se, a nɔ go briŋ dɛm kam na di land we a bin dɔn gi dɛm, we gud fɔ plant ɛn fɔ mɛn animal, di land we dɛn de kɔle pan pas ɔl ɔda land,

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Ditarɔnɔmi 8:4

Ɔl da fɔti ia de we dɛn bin de waka na di ɛmti ples we pɔsin nɔ go ebul tap, dɛn klos nɔ chɛr chɛr ɛn dɛn fut nɔ swɛl.

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Di Nɔmba Dɛm 26:63

Ɔl dɛn pipul ya na di wan dɛn we Mozis ɛn Ɛlieza di man we de mek sakrifays fɔ pipul sin, kɔnt we dɛn bin de na di flat grɔn na Moab nia Jɔdan, we yu krɔs kɔmɔt Jɛriko.

Jɔshwa 5:5

Al di man dɛn we bin kɔmɔ Ijipt bin sakɔmsayz, bɔt di bɔypikin dɛn we dɛn bɔn na rod nɔ bin sakɔmsayz.

Jɔshwa 5:7

Bikɔs di wan dɛn we bɔn na rod nɔ bin sakɔmsayz, na dɛn Jɔshwa bin mek dɛn sakɔmsayz.

Di Sam Dɛm 107:4

Sɔm man dɛn bin jɛs de wirɔn na di ɛmti land we pɔsin nɔ go ebul tap, dɛn nɔ ebul fɛn say fɔ sɛtul.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Jɔshwa 24:7

We di Izrɛlayt dɛn pre to PAPA GƆD, I mek di ples dak bifo di Ijipshian dɛm, dɔn i mek di si kɔba dɛn ɛn ɔl di Izrɛlayt dɛn bin si ɔl dat. Di Izrɛlayt dɛn bin spɛnd lɔŋ tɛm na di ɛmti ples we pipul nɔ go ebul tap.