Jɔshwa 5:10 - Krio Fɔs Oli Baybul

¹⁰ Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.

Jɔshwa 5:10 Referans Kwoze

Ɛksodɔs 12:6

Ivintɛm na di de we mek fotin pan di mɔnt ɛvri famili na di Izrɛlayt kɔmyuniti go kil dɛn yon animal.

Izikɛl 12:3

bikɔs dɛn na pipul dɛn we nɔ de gri fɔ yɛri wɔd. So mɔtalman, pak tin dɛn we pɔsin we de go ɛgzayl kin pak fɔ yusɛf ɛn go ɛgzayl santɛm we dɛn go si yu; yu fɔ go lɛk pɔsin we de go ɛgzayl, kɔmɔt na yu ples go ɔda say we dɛn de si yu. Sɔntɛnde, dɛn go ɔndastand, ivin do dɛn na pipul dɛn we nɔ de gri yɛri wɔd.

Ɛksodɔs 12:18

Frɔm ivintɛm na di de we mek fotin pan di fɔs mɔnt sote di de we mek twɛnti-wan, na bred we nɔ gɛt yist una fɔ de it.

Lɛvitikɔs 23:5

Di ivintɛm na di fotin de insay di fɔs mɔnt, dɛn fɔ sɛlibret di Pasova to PAPA GƆD.

Jɔshwa 4:19

Na di de we mek tɛn insay di fɔs mɔnt, di Izrɛlayt dɛn bin waka krɔs Riva Jɔdan, ɛn dɛn bin go kamp na Gilgal, na di bɔda na di Ist pat na Jɛriko.

Jɔshwa 5:11

Di nɛks de afta di pasova, na bin di fɔs tɛm we dɛn it it we na da land de i gro. Na di land di sid gro we dɛn pach ɛn bit ɛn mek bred we nɔ gɛt yist, we dɛn it.

Jɔshwa 9:6

Nain dɛn go mit Jɔshwa dɛn usay dɛn kamp na Gilgal ɛn tɛl dɛn se dɛn kɔmɔt fa ɛn dɛn go lɛk lɛ dɛn ɛn Jɔshwa dɛn mek wan wɔd.

1 Samiɛl 7:16

Ɛvri ia, i bin de patrol frɔm Bɛthɛl go Gilgal ɛn go Mizpa fɔ go tɔk kes dɛn de.

2 Samiɛl 15:28

I se in go wet na di rod we pipul de krɔs di riva fɔ go na di land usay pɔsin nɔ go ebul tap, te in gɛt wɔd frɔm dɛn bɔt aw di go de go.

Jɛrimaya 39:5

Bɔt di Babilonian ami rɔnata dɛm ɛn kech Zɛdikaya na di flat grɔn na Jɛriko; wɛn dɛn kech am, dɛn briŋ am kam to Nɛbyukadnɛza we na kiŋ na Babilɔn, na Ribla, dat na di land ɔf Amat: ɛn i pas sɛntɛns pan am

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Ɛksodɔs 12:11

Dɛn fɔ it dis it ya kwik kwik wan. We dɛn de it am dɛn fɔ dɔn drɛs lɛkɛ udat dɔn rɛdi fɔ go patrol. Dɛn fɔ wɛr dɛn sandals na dɛn fut ɛn ol dɛn wɔkinstik. Dis pasova fɛstival na fɔ ɔna mi.