Jɔshwa 4:6 - Krio Fɔs Oli Baybul

⁶ we go de mek dɛn mɛmba wetin PAPA GƆD bin du fɔ dɛn na Riva Jɔdan, ɛn i go bi di ɛvidɛns fɔ tumara if dɛn pikin dɛn go aks dɛn wetin dɛn ston de min.

Jɔshwa 4:6 Referans Kwoze

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Jɔshwa 4:21

Jɔshwa tɛl di Izrɛlayt dɛn se we dɛn pikin dɛn we nɔ bɔn yet go aks dɛn papa dɛn wetin dɛn ston dɛn de min,

Di Sam Dɛm 44:1

PAPA GƆD, wi dɔn yɛri fɔ wisɛf; wi fɔstɛm pipul dɔn tɛl wi wetin yu bin du fɔ dɛn dɛn yon tɛm.

Jɔshwa 22:27

bɔt na fɔ lɛ dɛn ɔl pikin dɛn tumara go no se dɛnsɛf di Izrɛlayt dɛn na di ist bin de wɔship PAPA GƆD ɛn bin de mek ɔl di sakrifays dɛn ɛn di ɔfrin dɛn, lɛ dɛn nɔ go tɛl dɛn yon pikin dɛn na di ist se dɛn nɔ no PAPA GƆD.

Ditarɔnɔmi 11:19

I tɛl dɛn se dɛn fɔ tich dɛn pikin dɛn mek dɛnsɛf go lan fɔ obe di lɔ dɛn, ɛn se dɛn fɔ de tɔk bɔt di lɔ dɛn ɔlsay we dɛn de; na os, trit, we dɛn de blo ɛn we dɛn wek na mɔnin.

Ayzaya 55:13

Instɛd ɔf chuk chuk, na Sayprɛs tik go gro, Instɛd ɔf wayl bush, na matul tik go gro; ɛn i go bi tin fɔ tek mɛmba PAPA GƆD, we go bi sayn we go de sote go, ɛn nɔ go ɛva dɔn.”

Ayzaya 38:19

Udat gɛt layf, udat gɛ layf, na im de tɛl yu tɛnki, lɛk aw a de du so tide; di papa de mek di pikin dɛn no se yu de waka tret.

Di Sam Dɛm 71:18

PAPA GƆD, duya, lɛkɛ aw a dɔn ol so ɛn mi ia ɔl dɔn wet nɔ ib mi oba, de wit mi lɛ a tɛl di nɛks jɛnareshɔn bɔt ɔl di wɔndaful tin we yu dɔn du ɛn tɔk bɔt aw yu gret to jɛnareshɔn we nɔ bɔn yet.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Izikɛl 20:20

ɛn mek mi de dɛn fɔ blo ɛn rɛst oli so dat dɛn go bi sayn bitwin mi ɛn una, so dat una go no se, mi we na PAPA GƆD, na una Gɔd.

Izikɛl 20:12

Pantap dat, a bin gi dɛm mi de fɔ blo ɛn rɛst as sayn bitwin mi ɛn dɛn, so dat dɛn go no se na mi PAPA GƆD de mek dɛn oli.

Di Nɔmba Dɛm 16:38

Dɛn man dɛn we pe wit dɛn layf fɔ di tin we dɛn du, na dɛn bin gɛt dɛn pɔt dɛn de fɔ de bɔn insɛns. Dɛn bin dɔn gi PAPA GƆD dɛn pɔt de so di pɔt dɛn oli. Fɔ panɛl bit di pɔt dɛn ɛn fasin dɛn pan di ɔlta, so dat ɔl di Izrɛlayt dɛn go de si ɛn mɛmba wetin bin apin.

Ɛksodɔs 31:13

“Tɛl di Izrɛlayt dɛn se, dɛn ɔl fɔ sho rɛspɛkt fɔ di de fɔ pre ɛn blo, na dat go mek ɔl di jɛnareshɔn we go kam afta una no se sɔntin de bitwin mi ɛn una, ɛn sho igen se na mi PAPA GƆD dɔn pik una as mi yon pipul.

Ɛksodɔs 13:9

I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Ɛksodɔs 12:14

Una fɔ mɛmba dis de ɔltɛm, ɛn ɛvri ia una fɔ sɛlibret am as spɛshal fɛstival to mi we na una PAPA GƆD.

Jɔshwa 4:5

ɛn tɛl dɛn traŋa wan se, lɛ dɛn go usay di man dɛn we de mek sakrifays fɔ pipul sin we tot PAPA GƆD we na dɛn PAPA GƆD in Ak ɔf di Kɔvinant, tinap insay Riva Jɔdan, ɛn tek wan wan ston put na dɛn sholda, we min se wan ston go tinap fɔ wan fambul na Izrɛl,