Jɔshwa 4:22 - Krio Fɔs Oli Baybul

²² dɛn fɔ tɛl dɛn bɔt aw Riva Jɔdan bin dray te Izrɛl krɔs dɔn.

Jɔshwa 4:22 Referans Kwoze

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Ayzaya 51:10

Nɔto yu bin mek di si dray, di wata na di oshɔn; we bin mek di grɔn na di si tɔn rod, fɔ di wan dɛn we yu sev fɔ krɔs go oba?

Rɛvɛleshɔn 16:12

Dɛn di enjɛl we mek siks trowe di tin we de insay in kɔp pan di riva we nem Yufretis. I dray wantɛm, i mek rod fɔ dɛn kiŋ we de kɔmɔt na dɛn kɔntri we de na di ist.

Ayzaya 44:27

we de tɔk to di si se, ‘Dray, A go dray una riva dɛm’;

Ɛksodɔs 15:19

Wɛn di kiŋ na Ijipt wit in ɔs ɛn chariɔt ɛn dɛn drayva dɛn bin de pas midul di si, PAPA GƆD mek di wata kɔba dɛn ɔl, dɔn i mek di Izrɛlayt dɛn waka na dray grɔn midul di wata.

Ɛksodɔs 14:29

Bɔt di Izrɛlayt dɛn bin waka na dray grɔn midul di si, di wata bin gɛda na tu say lɛkɛ wɔl na dɛn raytan ɛn dɛn lɛfan.

Ɛksodɔs 14:22

Di Izrɛlayt dɛn waka na dray grɔn usay di wata bin de, da tɛm de di wata bin dɔn sheb to tu say, i mek lɛk wɔl na raytan, ɛn di lɛfan.

Jɔshwa 4:21

Jɔshwa tɛl di Izrɛlayt dɛn se we dɛn pikin dɛn we nɔ bɔn yet go aks dɛn papa dɛn wetin dɛn ston dɛn de min,

Jɔshwa 3:16

As dɛn du dat so, di wata we bin de kɔmɔt ɔp say jɔs tinap wan ples ay wan fawe na di siti we dɛn kɔl Adam, we de nia Zarɛthan. Di wan we bin de rɔn go na di Dɛd Si, kɔtɔf totali. Nain di pipul dɛn krɔs Riva Jɔdan go oba say fesin Jɛriko.