Jɔshwa 4:19 - Krio Fɔs Oli Baybul

¹⁹ Na di de we mek tɛn insay di fɔs mɔnt, di Izrɛlayt dɛn bin waka krɔs Riva Jɔdan, ɛn dɛn bin go kamp na Gilgal, na di bɔda na di Ist pat na Jɛriko.

Jɔshwa 4:19 Referans Kwoze

Jɔshwa 5:9

PAPA GƆD tɛl Jɔshwa se wetin apin so da de de, dɔn pul di disgres we mit dɛn na Ijipt, kɔmɔt pan dɛn, so dɛn fɔ kɔl da ples de Gilgal.

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Emɔs 5:5

Una nɔ go na Bɛthɛl fɔ go pre, dɛn gɛt fɔ le ambush de fɔ una; ɛn una nɔ go sɛf na Gilgal bikɔs dɛn gɛt fɔ kɛr ɔlman we de de go ɛgzayl. Una nɔ fɔ go na Biashiba go wɔship mi.”

Emɔs 4:4

“Una go na Bɛthɛl lɛ una go du mɔ bad; una go bak na Gilgal ɛn go du wetin pas dat. Una mek di sakrifays we una kin mek ɛvri mɔnin, dɔn una pe una tayth ɛvri tri de.

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Jɔshwa 15:7

Di bɔda kɔmɔt Trɔbul Vali go ɔp Dɛbi ɛn tɔn lɛk yu de go Gilgal we de ɔpozit di rod fɔ go ɔp Adumim na di sawt pat na di vali. I go rich usay wata de kɔmɔt ɔnda grɔn we dɛn kin kɔl Ɛnshɛmɔsh spriŋ ɛn strɛch go na Ɛnrogɛl,

Jɔshwa 10:43

Afta ɔl dat, Jɔshwa ɛn in sojaman dɛn tɔn bak go na dɛn kamp na Gilgal.

Jɔshwa 10:6

So di Gibɛɔnayt dɛn sɛn to Jɔshwa na Gilgal mɛmba an bɔt di wanwɔd we dɛn bin dɔn swɛ se dɛn gɛt, ɛn lɛ dɛn go de kwik go sev dɛn, bikɔs di Amorayt kiŋ dɛn we de na di il, dɔn gɛda fɔ go fɛt dɛn.

Ditarɔnɔmi 1:3

Di fɔs de na di ilɛvin mɔnt insay di ia we mek fɔti ia we di Izrɛlayt dɛn bin kɔmɔt Ijipt, Mozis bin tɛl dɛn ɔltin we PAPA GƆD bin tɛl am fɔ tɛl dɛn,

Ditarɔnɔmi 11:30

I se dɛn fɔ no dɛn tu mawnten de we de na di wɛst pat na Riva Jɔdan, di Kenanayt dɛn land na di Riva Jɔdan Vali. I se di mawnten dɛn de we yu de go to dɛn big big tik na Mɔrɛ, we sɔm pipul biliv se gɛt pawa. Dat na lɛk we yu de go Gilgal.

Jɔshwa 4:18

As di man dɛn we de mek sakrifays fɔ pipul sin, we tot di Ak ɔf di Kɔvinant pul fut na di wata so, Riva Jɔdan ful bak ɛn ovaflo lɛkɛ aw i bin de wantɛm wantɛm.

Jɔshwa 5:10

Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.

2 Kiŋ 2:1

Di tɛm we PAPA GƆD bin rɛdi fɔ tek Ilayja go ɔp na ɛvin wit wan big briz we de tɔn rawnd ɛn rawnd, Ilayja ɛn Ilaɛlsha bin de waka de kɔmɔt na Gilgal.

Jɔshwa 9:6

Nain dɛn go mit Jɔshwa dɛn usay dɛn kamp na Gilgal ɛn tɛl dɛn se dɛn kɔmɔt fa ɛn dɛn go lɛk lɛ dɛn ɛn Jɔshwa dɛn mek wan wɔd.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

1 Samiɛl 10:8

Samiɛl tɛl Sɔl fɔ waka go bifo am na Gilgal. I se in go mɔs go mit am so dɛn go bɔn animal as bɔn sakrifays ɛn mek pis ɔfrin to PAPA GƆD, bɔt dat i go gɛt fɔ wet fɔ sɛvin de bifo in go kam ɛn tɛl Sɔl wetin fɔ du.