Jɔshwa 4:14 - Krio Fɔs Oli Baybul

¹⁴ Da de de, PAPA GƆD mek di wanol Izrɛl rɛspɛkt Jɔshwa lɛkɛ aw dɛn bin rɛspɛkt Mozis te i day.

Jɔshwa 4:14 Referans Kwoze

Jɔshwa 3:7

Nain PAPA GƆD tɛl Jɔshwa se na da de de in go mek ɔlman no se na Jɔshwa na lida na Izrɛl, so dat dɛn go no se jɔs lɛkɛ aw in nɔ bin de lɛf Mozis, na so i go de wit am.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Lɛta Fɔ Rom 13:4

Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

Prɔvabs 24:21

Mi pikin, ɔna ɛn rɛspɛkt PAPA GƆD ɛn di kiŋ, nɔ fala nɔbɔdi fɔ biev lɛkɛ rebɛl pan dɛn,

1 Samiɛl 12:18

So Samiɛl pre to PAPA GƆD ɛn da sem de de, tɛnda rol, dɔn big big ren fɔdɔm. Na so ɔl di pipul lɛf mɔt de wɔnda pan PAPA GƆD ɛn pan Samiɛl.

Ɛksodɔs 14:31

Wɛn di Izrɛlayt dɛn ɔl si PAPA GƆD di Ijipshian dɛn, dat mek dɛn fred PAPA GƆD. Dɛn biliv PAPA GƆD mɔ ɛn Mozis we nain savant.

1 Kɔrint 10:2

Di klawd we bin de oba dɛn ɛn di wata we dɛn go insay mek dɛn tan lɛkɛ se dɛn baptayz ɛn dat mek dɛn bi pipul we de fala Mozis.

Jɔshwa 4:13

na bɔt fɔti tawzin sojaman dɛn we bin gɛt dɛn wɛpɔn dɛn rɛdi fɔ fɛt, bin krɔs go Jɛriko, ɛn PAPA GƆD bin de wit dɛn bikɔs di Ak ɔf di Kɔvinant bin de de.

Jɔshwa 4:15

Nain PAPA GƆD tɛl Jɔshwa se

Ɛksodɔs 11:3

PAPA GƆD mek di Ijipshian dɛn gi di Izrɛlayt dɛn wetin dɛn aks fɔ. Di kiŋ in ɔfisa dɛn ɛn di Ijipshian dɛn bin rɛspɛkt Mozis.

2 Kiŋ 2:15

Di prɔfɛt dɛn we kɔmɔt Jɛriko bin de wach; wɛn dɛn si Ilaɛlsha, dɛn ɔl bigin tɔk se na Ilayja in spirit dɔn kam pan Ilaɛlsha; dɔn dɛn ɔl go mit am baw to am,

1 Kronikuls 29:25

So PAPA GƆD gi Sɔlɔmɔn ay ay rɛspɛkt na di wanol Izrɛl dɛn yay, ɛn gi am bi big ɔna we nɔn kiŋ bifo am na Izrɛl nɔ gɛt.