Jɔshwa 4:11 - Krio Fɔs Oli Baybul

¹¹ We di pipul dɛn dɔn krɔs dɔn, di man dɛn we de mek sakrifays fɔ pipul sin we de tot di Ak, krɔs wit PAPA GƆD in Ak ɔf di Kɔvinant ɛn kɛr an go wet bifo say.

Jɔshwa 4:11 Referans Kwoze

Jɔshwa 3:8

PAPA GƆD tɛl Jɔshwa igen se, lɛ i tɛl di man dɛn we de mek sakrifays fɔ pipul sin we tot di Ak ɔf di Kɔvinant se, we dɛn rich Riva Jɔdan, lɛ dɛn jɔs waka go insay di wata lili bit ɛn tinap de.

Jɔshwa 4:18

As di man dɛn we de mek sakrifays fɔ pipul sin, we tot di Ak ɔf di Kɔvinant pul fut na di wata so, Riva Jɔdan ful bak ɛn ovaflo lɛkɛ aw i bin de wantɛm wantɛm.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Jɔshwa 4:10

Di man dɛn we de mek sakrifays fɔ pipul sin we tot di Ak ɔf di Kɔvinant tinap insay Riva Jɔdan te Jɔshwa dɔn tɛl di pipul dɛn wetin Mozis bin dɔn tɛl an se PAPA GƆD se fɔ tɛl dɛn. Di pipul dɛn krɔs kwik kwik.

Jɔshwa 4:12

Di Rubɛnayt dɛn, di Gadayt dɛn ɛn af di Manasɛ fambul tek ɔl dɛn wɛpɔn dɛn ɛn de frɔnt di pipul dɛn, jɔs lɛk aw Mozis bin dɔn se i fɔ bi;

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

Ayzaya 52:12

Bikɔs una nɔ go kɔmɔt go ɔri ɔri wan, ɛn una nɔ go go lɛk udat de rɔnawe, bikɔs PAPA GƆD go de bifo una, ɛn na Izrɛl dɛn Gɔd go gyad una bak.