Jɔshwa 4:10 - Krio Fɔs Oli Baybul

¹⁰ Di man dɛn we de mek sakrifays fɔ pipul sin we tot di Ak ɔf di Kɔvinant tinap insay Riva Jɔdan te Jɔshwa dɔn tɛl di pipul dɛn wetin Mozis bin dɔn tɛl an se PAPA GƆD se fɔ tɛl dɛn. Di pipul dɛn krɔs kwik kwik.

Jɔshwa 4:10 Referans Kwoze

Jɔshwa 3:13

I se as di man dɛn we de mek sakrifays fɔ pipul sin we de tot PAPA GƆD we na di PAPA GƆD fɔ ɔl di pipul dɛn na di wanol wɔl, in Ak ɔf di Kɔvinant, put dɛn fut insay Riva Jɔdan so, di wata go lɛf fɔ rɔn; di wata we de kɔmɔt ɔp say go jɔs tinap wan ples ay wan.

2 Kɔrint 6:2

Bikɔs Gɔd se, “A yɛri yu wɛn di rayt tɛm rich; ɛn wɛn di tɛm fɔ sev kam, a ɛp yu.” Na di rayt tɛm dis, na di tɛm dis we pipul fɔ sev!

Ayzaya 28:16

So, na dis Papa Gɔd we na Gɔd se, “a de le wan ston fɔ fawndeshɔn na Zayɔn, ston we dɛn dɔn tɛst, wit wan ston, ston we dɛn dɔn tɛst, wan valyuebul kɔnaston, we na traŋa fawndeshɔn: ‘Udat biliv nɔ go de ɔri ɔri.’

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Prɔvabs 27:1

Nɔ bost bɔt tumara bikɔs yu nɔ no wetin go gɛt fɔ apin.

Di Sam Dɛm 119:60

A nɔ de westɛm fɔ du wetin yu lɔ se.

Ditarɔnɔmi 31:9

Mozis rayt PAPA GƆD in lɔ gi Livay in bɔypikin dɛn we na di man dɛn we de mek sakrifays fɔ pipul sin, ɛn de tot di Ak ɔf di Kɔvinant. Ɛn i gi ɔl di bigman dɛn na Izrɛl dɛnsɛf.

Ɛksodɔs 12:39

Di Izrɛlayt dɛn bek bred we nɔ gɛt yist frɔm di flawa we dɛn bin dɔn miks na Ijipt. Dɛn nɔ bin put yist pan di flawa bikɔs na drɛb di Ijipshian dɛn bin drɛb dɛn ɛn tɛm nɔ bin de fɔ bek bred we gɛt yist.

Jɔshwa 4:9

Pantap dat, Jɔshwa mek dɛn pak twɛlv ston na di ples we di man dɛn we de mek sakrifays fɔ pipul sin bin tinap insay Riva Jɔdan, ɛn dɛn bin de de te di tɛm we dɛn bin de rayt dis buk.

Jɔshwa 4:11

We di pipul dɛn dɔn krɔs dɔn, di man dɛn we de mek sakrifays fɔ pipul sin we de tot di Ak, krɔs wit PAPA GƆD in Ak ɔf di Kɔvinant ɛn kɛr an go wet bifo say.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.