Jɔshwa 3:16 - Krio Fɔs Oli Baybul

¹⁶ As dɛn du dat so, di wata we bin de kɔmɔt ɔp say jɔs tinap wan ples ay wan fawe na di siti we dɛn kɔl Adam, we de nia Zarɛthan. Di wan we bin de rɔn go na di Dɛd Si, kɔtɔf totali. Nain di pipul dɛn krɔs Riva Jɔdan go oba say fesin Jɛriko.

Jɔshwa 3:16 Referans Kwoze

Jɔshwa 3:13

I se as di man dɛn we de mek sakrifays fɔ pipul sin we de tot PAPA GƆD we na di PAPA GƆD fɔ ɔl di pipul dɛn na di wanol wɔl, in Ak ɔf di Kɔvinant, put dɛn fut insay Riva Jɔdan so, di wata go lɛf fɔ rɔn; di wata we de kɔmɔt ɔp say go jɔs tinap wan ples ay wan.

1 Kiŋ 7:46

Di kiŋ mek i mek ɔl dɛn tiŋs ya na di say we dɛn blaksmith de wok na Jɔdan Vali bitwin Sɔkɔt ɛn Zarɛthan.

1 Kiŋ 4:12

Baana, Ailud in bɔypikin in bin rɛspɔnsibul fɔ Taanak, Mɛgido te rich na Bɛth Shan nia Zarɛthan te go dɔŋ to Jɛzril. In bawndri de frɔm Bɛth Shan to Ebɛl Mɛola te go oba to Jokmeam.

Jɛnɛsis 14:3

Dɛn fayv kiŋ ya so bin mek wanwɔd ɛn dɛn mitɔp na wan vali we nem Sidim Vali, we naw na di Sɔl Si.

Di Sam Dɛm 114:3

Wɛn di wata si dɛn de kam, i rɔn gi dɛn rod. Riva Jɔdan dray wantɛm, i go bak usay i bin de.

Ditarɔnɔmi 1:1

Na di tin dɛn dɛnwanya we Mozis bin tɛl di Izrɛlayt dɛn we dɛn bin de na di ɛmti ples we pɔsin nɔ go ebul tap we de biɛn Riva Jɔdan. Dis ples ya de insay di Jɔdan vali we de bitwin Paran na wan say ɛn Tofɛl, Leban, Azirɔth ɛn Dizaab na di ɔda say.

Di Nɔmba Dɛm 34:3

Sɔm pat pan di ɛmti land we pɔsin nɔ go ebul tap na Zin we de na di bɔda na Idɔm, fɔ de na di sawtan pat. Di ist kɔna pan di sawtan bawndri fɔ bigin usay di Dɛd Si tap;

Di Sam Dɛm 77:19

Yu waka wit yu pipul insay di wata yu krɔs wit dɛn bɔt nɔbɔdi nɔ ebul si yu fut in mak.

Di Sam Dɛm 74:15

Na yu de mek watasay gɛt wata ɛn wata bɔs na grɔn; ɛn na yu de mek ɔl usay kin pul wata, dray.

Di Sam Dɛm 66:6

I mek di wata na di si dray so dat di pipul waka na dray grɔn. Kam lɛ wi gladi fɔ wetin i dɔn du.

Di Sam Dɛm 29:10

PAPA GƆD sidɔm lɛk kiŋ de kɔmand di si; PAPA GƆD sidɔm lɛkɛ Kiŋ ɛn nain na Kiŋ sote go.

Jɔshwa 15:2

Di bawndri na di sawt kɔmɔt na di sawt pat na di Dɛd Si,

Ditarɔnɔmi 3:17

Na di wɛst pat, dɛn land go te rich Riva Jɔdan, ɛn bigin na Galili te to di Dɛd Si, te rich bɔtɔm Pisga Mawnten na di ist pat.

Ɛksodɔs 14:21

Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn.

Di Sam Dɛm 33:7

I gɛda ɔl di wata ɛn put dɛn wan ples; ivin dɛn dip dip wata lɛkɛ di oshɔn i mek sho se i kip dɛn lɛk aw mɔtalman de kip na sto.

Di Sam Dɛm 114:5

Wetin mek di wata dray, ɛn wetin mek Riva Jɔdan lɛf fɔ rɔn?

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Izikɛl 47:8

Ɛn i tɛl mi se, “dis wata de flo go towɔds di istɛn rijɔn ɛn dɛn go dɔŋ to di Araba; ɛn wɛn i go insay di si in wata, dɛn we jis de wan ples, di wata go tɔn frɛsh.

Neum 1:4

Na tɔk nɔmɔ i go tɔk pan di si ɛn i go dray. Ɔl di watasay dɛnsɛf go dray. Di fil dɛn na Beshan ɛn Mawnt Kamɛl wit di flawa dɛn na Libanɔn go wida.

Abakɔk 3:8

PAPA GƆD, na di watasay dɛn yu vɛks pan so? Na di sɔlwata dɛn mek yu vɛks bad bad wan so? We yu de rayd ɔp na di klawd; na briz bin de kɛr yu go we yu kin sidɔm pan di chariɔt we dɔn de mek yu win.

Ɛksodɔs 14:22

Di Izrɛlayt dɛn waka na dray grɔn usay di wata bin de, da tɛm de di wata bin dɔn sheb to tu say, i mek lɛk wɔl na raytan, ɛn di lɛfan.

Ɛksodɔs 14:29

Bɔt di Izrɛlayt dɛn bin waka na dray grɔn midul di si, di wata bin gɛda na tu say lɛkɛ wɔl na dɛn raytan ɛn dɛn lɛfan.

Ɛksodɔs 15:8

We yu blo yu nos nɔmɔ di wata dɛn ɔl gɛda na wan ples. I tinap deŋ lɛkɛ wɔl; dɔn midul di wata traŋa ken ken.

Jɔshwa 4:22

dɛn fɔ tɛl dɛn bɔt aw Riva Jɔdan bin dray te Izrɛl krɔs dɔn.

Jɔshwa 5:1

We ɔl di Amorayt kiŋ dɛn we bin de na di wɛst say na Riva Jɔdan ɛn ɔl di Kenanayt kiŋ dɛn we de nia di si yɛri se PAPA GƆD mek Riva Jɔdan dray fɔ di Izrɛlayt dɛn fɔ krɔs, ɛn i mek i dray te dɛn krɔs dɔn, dɛn ɔl at pwɛl ɛn dɛn nɔ bin gɛt op igen bikɔs dɛn de fred di Izrɛlayt dɛn.

Jɔshwa 12:3

Di bawndri na di wɛst na bin di Riva Jɔdan; i kɔmɔt Lek Galili na di nɔth te rich Di Dɛd Si na di sawt. Di ist say to di Dɛd Si te rich Bɛth Jɛsmimɔyh ɛn Mawnt Pisga bin de insay in kindɔm.

Jɔshwa 16:7

Di istɛn bɔda bigin na Mikmɛtath Siti ɛn tɔn sawt go Taanat Shaylɔ Siti we de nia di Jɔdan Vali, Janɔa Siti, Atarɔth Siti, Naara Siti go tap na Riva Jɔdan nia Jɛriko.

Di Jɔj Dɛm 7:22

We Gidiɔn in tri ɔndrɛd man bin blo dɛn trɔmpɛt, PAPA GƆD mek di Midianayt dɛn bigin fɛt dɛnsɛf wit dɛn sɔd. Dɛn rɔn go Bɛth Shita lɛk we yu de go Zarɛthan, te rich Ebɛl Mɛola we de nia Tabat.

Di Sam Dɛm 78:13

I divayd di Rɛd Si ɛn mek rod fɔ dɛn fɔ pas; I lɛ di wata tinap deŋ na di sayd dɛn lɛk wɔl.