Jɔshwa 3:10 - Krio Fɔs Oli Baybul

¹⁰ I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Jɔshwa 3:10 Referans Kwoze

Ditarɔnɔmi 7:1

Mozis bin tɛl di Izrɛlayt dɛn se we PAPA GƆD we na dɛn PAPA GƆD go dɔn ɛp dɛn kapchɔ di land ɛn pul di pipul dɛn kɔmɔt we na di Itayt dɛn, di Gigashayt dɛn, di Amɔrayt, di Kenanayt, di Pɛrizayt, di Ivayt dɛn ɛn di Jɛbyusayt dɛn we dɛn plɛnti ɛn ebul fɛt pas dɛn,

Ɛksodɔs 33:2

A go sɛn enjɛl fɔ gayd yu, dɔn a go drɛb dɛn Kenanayt, dɛn Amɔrayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn kɔmɔt na di land.

Di Ibru Pipul Dɛn 10:31

I go bad fɔ di pɔsin we Gɔd we gɛt layf sote go, go kɔndɛm so.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Jɔshwa 22:31

Nain Finɛas we na Ɛlieza we na man we de mek sakrifays fɔ pipul sin in bɔypikin, tɛl di tri Izrɛlayt fambul na di ist se na da de de dɛn no se PAPA GƆD de wit dɛn bikɔs di fambul dɛn na di ist nɔ du natin we go mek PAPA GƆD vɛks aftaɔl.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Di Sam Dɛm 9:16

Ɔlman sabi se, wi PAPA GƆD na PAPA GƆD we de du tin tret wan ɔltɛm; di bad we di bad man de mɛmba fɔ ɔda pɔsin, nain de fala am.

Ditarɔnɔmi 5:26

I se dɛn tɛl am igen se nɔn mɔtalman nɔ de na dis wɔl we dɔn yɛri di PAPA GƆD we gɛt layf in vɔys na faya lɛk dɛn, ɛn nɔ day.

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

1 Kiŋ 22:28

Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.

Jɔshwa 21:45

PAPA GƆD bin mek plɛnti prɔmis dɛn to Izrɛl ɛn i nɔ pwɛl nɔn.

Ɛksodɔs 17:7

Mozis gi da ples de nem “Masa” ɛn “Mɛriba” bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.

Jɔn 6:69

Ɛn naw wi dɔn biliv ɛn wi no se, yu na Gɔd yon pɔsin ɛn na yu Gɔd sɛn kam to wi.”

Ditarɔnɔmi 7:21

So dɛn nɔ fɔ fred nɔbɔdi bikɔs PAPA GƆD we na dɛn PAPA GƆD, na di PAPA GƆD we gɛt pawa pas ɔl ɔda gɔd dɛn ɛn i de wit dɛn ɔltɛm.

Jɔshwa 3:9

Nain Jɔshwa kɔl ɔl di pipul dɛn lɛ i go tɛl dɛn wetin PAPA GƆD we na dɛn PAPA GƆD se in go du.

Jɔshwa 9:1

Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

1 Samiɛl 26:6

Dɛn Devid aks Abimɛlɛk we na Itayt ɛn Abishay we na Zɛruaya in bɔypikin ɛn we na Joab in brɔda se uswan pan dɛn go fala am fɔ go dɔŋ na di kamp fɔ go mit Sɔl. Abishay se in go go wit Devid.

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

Jɛnɛsis 15:21

dɛn Amɔrayt, dɛn Kenanayt, dɛn Gagashayt, ɛn dɛn Jɛbyusayt dɛn de.

Di Nɔmba Dɛm 13:29

Di Amalɛkayt dɛn tap na di Nɛgɛv; di Ivayt dɛn, di Jɛbyusayt dɛn, di Amɔrayt dɛn tap na di kɔntri ɔp di il; ɛn di Kenanayt dɛn tap nia di si bay di Jɔdan Riva.

Jɔshwa 11:3

I sɛn mɛsej to di Kenanayt kiŋ dɛn na di il kɔntri. I sɛn igen to di Ivayt dɛn.

Jɔshwa 12:8

Di land we Jɔshwa bin gi dɛn na bin di siti dɛn na di il, di wan dɛn na flat grɔn, na di Jɔdan Vali ɛn di ples dɛn we rɔf te go dɔŋ di ɛmti land we pɔsin nɔ go ebul tap na di sawt. Ɔda say dɛn na bin di Itayt, di Amorayt, di kenanayt, di pizayt, di Ivayt ɛn di Jɛbyusayt dɛn land dɛn.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

1 Kronikuls 1:14

di Jɛbyusayt dɛm, di Amorayt dɛm, di Gagashayt dɛn,