Jɔshwa 24:7 - Krio Fɔs Oli Baybul

⁷ We di Izrɛlayt dɛn pre to PAPA GƆD, I mek di ples dak bifo di Ijipshian dɛm, dɔn i mek di si kɔba dɛn ɛn ɔl di Izrɛlayt dɛn bin si ɔl dat. Di Izrɛlayt dɛn bin spɛnd lɔŋ tɛm na di ɛmti ples we pipul nɔ go ebul tap.

Jɔshwa 24:7 Referans Kwoze

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ɛksodɔs 14:20

ɛn mek baria bitwin di Izrɛlayt dɛn ɛn di Ijipshian dɛn. Di klawd bin tan lɛk dak nɛt to di Ijipshian dɛn, bɔt i bin de sho layt to di Izrɛlayt dɛn. So fɔ di wanol nɛt, di Ijipshian dɛn nɔ bin ebul kech di Izrɛlayt dɛn na rod.

Ɛksodɔs 14:10

Wɛn di Izrɛlayt dɛn tɔn biɛn ɛn si se di kiŋ ɛn in sojaman dɛn dɔn rich nia dɛn, dɛn bɔtɔm bɛlɛ bwɛl. Dɛn pre to PAPA GƆD fɔ sev dɛn.

Ɛksodɔs 14:31

Wɛn di Izrɛlayt dɛn ɔl si PAPA GƆD di Ijipshian dɛn, dat mek dɛn fred PAPA GƆD. Dɛn biliv PAPA GƆD mɔ ɛn Mozis we nain savant.

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

Ditarɔnɔmi 29:2

Mozis bin gɛda ɔl di pipul dɛn ɛn tɛl dɛn se, dɛn ɔl bin si ɔl wetin PAPA GƆD bin du Ijipt dɛn kiŋ ɛn in wokman dɛn ɛn di Ijipshian dɛn.

Ditarɔnɔmi 1:46

Mozis mɛmba dɛn se, dɛn bin de na Kedɛsh fɔ lɔŋ.

Di Ibru Pipul Dɛn 3:17

Udat na di pipul dɛn we Gɔd bin vɛks pan fɔ fɔti ia? Gɔd bin vɛks pan dɛn pipul we bin sin ɛn dɛn bin day na di dɛzat.

Ditarɔnɔmi 2:14

I se frɔm di tɛm we dɛn bin lɛf Kedɛsh Bania te di tɛm we dɛn krɔs da Zɛrɛd Riva, i bin dɔn tek tati-et ia. Da tɛm de, ɔl di sojaman dɛn bin dɔn day bikɔs PAPA GƆD bin dɔn swɛ se dɛn go day.