Jɔshwa 24:32 - Krio Fɔs Oli Baybul

³² Lɔntɛm bifo Izrɛl bin go tap na Ijipt, wan pan di Izrɛlayt dɛn fɔstɛmpapa we bin nem Jekob, bin bay wan lɔt, wan ɔndrɛd silva kɔpɔ, na Amɔ we na Shɛkɛm in papa, in jɛnareshɔn dɛn an. We di Izrɛlayt dɛn bin de kɔmɔ na Ijipt, dɛn bin tek Josɛf in bon bon kɔmɔ de. I bin de wit dɛm pan ɔl di waka dɛn we dɛn bin de waka. So dɛn bɛr am na da lɔt de we Jekob bin bay na Shɛkɛm.

Jɔshwa 24:32 Referans Kwoze

Jɛnɛsis 50:25

Josɛf mek in pipul dɛn swɛ to am se, we dɛn de go na di kɔntri we PAPA GƆD dɔn prɔmis dɛn; dɛn go kɛr in bɔdi go.

Jɛnɛsis 33:19

I bin bay di grɔn to Amɔ in famili fɔ wan ɔndrɛd silva kɔpɔ we i bil in tɛnt. Amɔ na bin Shɛkɛm in papa.

Ɛksodɔs 13:19

Mozis kɛr Josɛf in bon dɛn go wit am, bikɔs Josɛf bin dɔn mek di Izrɛlayt dɛn swɛ se dɛn go pul in ban dɛn kɔmɔt na Ijipt we PAPA GƆD sev dɛn ɛn pul dɛn kɔmɔt de. I bin shɔ se PAPA GƆD go mɔs du dat.

Apɔsul Dɛn Wok 7:16

Dɛn kɛr dɛn dedebɔdi go bɛr dɛn na Shɛkɛm na di grev we Ebraam bin bay to Amɔ in bɔy pikin dɛn.

Di Ibru Pipul Dɛn 11:22

Na bikɔs Josɛf bin biliv Gɔd mek, wɛn di tɛm rich we i fɔ day, i tɔk bɔt di tɛm we di Izrɛl pipul dɛn go kɔmɔt Ijipt, ɛn i tɛl dɛn wetin dɛn fɔ du wit in bɔdi.

Jɔn 4:5

I rich na wan tɔŋ we nem Sayka we de na Sameria, di tɔŋ bin de klos di fam we Jekɔb bin gi in pikin we nem Josɛf.

Jɛnɛsis 48:22

I se in a de gi Josɛf wan mɔ land pas in brɔda dɛn. Dat na di land we gɛt il we i tek to dɛn Amɔrayt dɛn di tɛm we i bin fɛt dɛn wit in bo ɛn aro. I gi Josɛf da land de.

Apɔsul Dɛn Wok 7:15

Jekɔb go na Ijipt, ɛn na de in ɛn ɔl in pikin dɛn de sote dɛn ɔl day.

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.