Jɔshwa 24:20 - Krio Fɔs Oli Baybul

²⁰ I se lɛ dɛn nɔ luk se bikɔs i dɔn du plɛnti gud tin fɔ dɛn dɛn kin jɔs du ɛnitin we dɛn fil o; if dɛn du wetin PAPA GƆD nɔ lɛk, i go chenj pan dɛn ɛn pɔnish dɛn bad bad wan ɛn kin ivin kil kil dɛnsɛf.

Jɔshwa 24:20 Referans Kwoze

Apɔsul Dɛn Wok 7:42

Dɛn, Gɔd tɔn in bak pan di Izrɛl pipul dɛn; i lɛf dɛn mek dɛn de pre to dɛn tin we de na ɛvin, lɛkɛ sta ɛn mun so, lɛkɛ aw dɛn rayt na da buk we dɛn prɔfɛt rayt, se ‘Una, dɛn Izrɛl pipul ya, di fɔti ia we una bin de na di dɛzat nɔto fɔ mi una kil dɛn bif ɛn sakrifays dɛn.

Izikɛl 18:24

Bɔt we pɔsin we bin de waka tret wit PAPA GƆD, chenj, ɛn bigin kɔmit sin, de du dɛn sem bad bad tin dɛn we PAPA GƆD nɔ lɛk, we wikɛd pipul dɛn kin du, i go liv? Fɔseka we i kɔmɔt biɛn PAPA GƆD ɛn fɔseka di sin we i dɔn kɔmit, i go day.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Ayzaya 1:28

Bɔt dɛn go nyakanyaka di rebɛl ɛn di sina dɛn togɛda, ɛn i go kil dɛn wan we tɔn dɛn bak pan Gɔd.

Ɛzra 8:22

A bin want aks di kiŋ fɔ gi wi sojaman dɛn wit ɔs ɛn ɔs ɛn karej fɔ de wit wi fɔ de gyad wi na rod frɔm dɛn bad pipul dɛn, bɔt we a mɛmba se a bin dɔn tɛl am se wi PAPA GƆD de kɔba ɔl udat kɔl am, ɛn kin put vɛksteshɔn ɛn pɔnish dɛn wan we kin tɔn dɛn bak pan am, a shem fɔ tɔk.

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

Di Ibru Pipul Dɛn 10:38

Dɛn pipul we de waka tret na layf go gɛt layf we go de sote go, bikɔs dɛn biliv dɛn wɔd ya; bɔt if ɛnibɔdi lɛf fɔ biliv mi bikɔs i de dawt mi, a nɔ go pliz wit am.”

Ditarɔnɔmi 4:25

Mozis se ivin we dɛn go dɔn ol na di land ɛn dɔn gɛt grampikin dɛn, if dɛn mek ɛnitin we fiba mɔtalman ɛn wɔship am, ɔ du ɛni ɔda bad tin dɛn we go mek PAPA GƆD we na dɛn PAPA GƆD vɛks,

Ditarɔnɔmi 4:26

i se mek ɛvin ɛn dis wɔl de fɔ in witnɛs, bikɔs dɛn go day day na da land de we dɛn bin de krɔs Riva Jɔdan fɔ go kapchɔ. I se dɛn nɔ go gɛt lɔŋ layf; dɛn ɔl go day.

Jɔshwa 24:21

Nain di pipul dɛn tɛl Jɔshwa se ɔl wetin i se na tru bɔt na PAPA GƆD dɛn go sav.

1 Samiɛl 12:15

Bɔt if una nɔ obe PAPA GƆD ɛn du wetin i se, na di sem we aw i trit una grampa dɛn, na so i go trit una.

1 Samiɛl 12:25

If una fasin fɔ du am bad, PAPA GƆD go jɛs swip una ɛn una kiŋ.”

1 Kronikuls 28:8

Fɔ seka dat, bifo ɔlman na Izrɛl, PAPA GƆD in pipul dɛn we dɔn gɛda na ya, we wi Gɔd sɛf de yɛri, una fɛn ɛn du ɔl wetin PAPA GƆD tɔk traŋa wan se una fɔ de du; so dat una go gɛt dis gud land ɛn day lɛf am fɔ una pikin dɛn, so te go.

Di Sam Dɛm 89:31

if dɛn tɔn dɛn bak pan mi ɛn nɔ obe mi kɔmand dɛn,