Jɔshwa 24:2 - Krio Fɔs Oli Baybul

² Nain i tɛl dɛn se PAPA GƆD we na PAPA GƆD na Izrɛl se, dɛn fɔstɛmpapa dɛn, Ebram in papa, Tɛra, ɛn Naɔ, bin de Mɛsopotemia oba Riva Yufretis, ɛn dɛn bin de wɔship fɔrin gɔd dɛn.

Jɔshwa 24:2 Referans Kwoze

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Jɛnɛsis 31:30

I se in no se Jekɔb want fɔ go naw bikɔs in at dɔn grap fɔ go nain papa in os, bɔt wetin mek i tif in gɔd dɛn.

Izikɛl 16:3

ɛn tɛl am se, na dis Papa Gɔd we na Gɔd de se to Jerusɛlɛm: usay una kɔmɔt ɛn usay una bɔn, na di Kenanayt dɛn land; Una papa na bin Amorayt ɛn una mama na bin Itayt.

Ayzaya 51:2

Luk to Ebran yu we na yu dadi ɛn to Sera we bɔn yu; bikɔs na we na bin in wangren, a bin kɔl am ɛn a blɛs am ɛn mek i plɛnti.

Ditarɔnɔmi 26:5

Dɔn dɛn go tinap bifo di ɔlta ɛn tɔk bifo PAPA GƆD we na dɛn PAPA GƆD se, dɛn fɔstɛmpapa na bin Aramian man we bin jɔs de waka waka ɔlsay na di wɔl. So i waka waka te in ɛn tu tri in fambul dɛn, go Ijipt go tap de, bɔt dɛn nɔ bin bɔku. Bɔt dɛn bin kam bɔku aftawɔd lɛkɛ anch, ɛn ɔlman bin yɛri bɔt dɛn ɛn bin bigin fred dɛn.

Jɛnɛsis 35:4

So dɛn gi Jekɔb ɔl dɛn tin dɛn we dɛn bin de wɔship ɛn dɛn yerin dɛn ɛn i bɛr dɛn ɔnda wan big Ok tik nia Shɛkɛm.

Jɛnɛsis 31:53

Mek Ebraam in PAPA GƆD, we na Neɔ insɛf yon PAPA GƆD ɛn dɛn papa dɛn PAPA GƆD jɔj bitwin mi ɛn yu.” Jekɔb insɛf swɛ to in papa Ayzak in PAPA GƆD se i gri.

Jɛnɛsis 31:32

I se in nɔ tek in gɔd dɛn, ɛn ɛnibɔdi we i fɛn in gɔd dɛn to fɔ day. I swɛ bifo ɔl in fambul dɛn se ɛnitin we Leban fɛn we nain yon pan in prɔpati lɛ i tek dɛn. Bɔt Jekɔb nɔ bin no se Rechɛl bin tif in papa in gɔd dɛn.

Jɛnɛsis 31:19

da tɛm de Leban bin dɔn go fɔ kɔt in ship dɛn ia. Bifo dɛn lɛf, Rechɛl bin dɔn tif in papa in gɔd dɛn we bin de nain os ɛn go wit dɛn.

Jɛnɛsis 11:26

Tɛra bin ol sɛvinti ia we i bɔn Ebram, Neɔ, ɛn Eran.

Lyuk 3:34

Juda in papa bin nem Jekɔb, Jekɔb in papa bin nem Ayzak, Ayzak in papa bin nem Ebraam, Ebraam in papa bin nem Tɛra, Tɛra in papa bin nem Naɔ,

Jɛnɛsis 11:24

We Neɔ ol twɛnti-nayn ia, i bɔn wan bɔypikin we nem Tɛra.

Jɛnɛsis 11:27

Dɛn wan ya na Tɛra in jɛnareshɔn dɛn. Tɛra na bin Ebram, Neɔ, ɛn Eran dɛn papa. Eran in na Lɔt in papa,

Jɛnɛsis 11:22

We Sirug ol tati ia, i bɔn wan bɔypikin we nem Neɔ.

1 Kronikuls 1:27

Ebram, dat na Ebraam.