Jɔshwa 24:19 - Krio Fɔs Oli Baybul

¹⁹ Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Jɔshwa 24:19 Referans Kwoze

Ayzaya 5:16

Bɔt dɛn de es PAPA GƆD Ɔlmayti ɔp bikɔs i de trit ɔlman di sem, ɛn di oli Gɔd de sho insɛf se i oli bay we i de waka tret.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Di Sam Dɛm 99:9

Lɛ wi tɛl ɔlman se, PAPA GƆD wi PAPA GƆD na big PAPA GƆD. Lɛ wi wɔship am nain oli mawnten bikɔs in na oli PAPA GƆD.

Di Sam Dɛm 99:5

Wɔship PAPA GƆD we na PAPA GƆD na di say we i sidɔm as Kiŋ; in na oli PAPA GƆD.

Lɛvitikɔs 19:2

mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

1 Samiɛl 6:20

Di pipul dɛn na Bɛth Shɛmɛsh bigin aks dɛnsɛf udat go ebul fɔ de usay dis oli PAPA GƆD de. Dɛn bigin wɔnda usay di ak fɔ go mek dɛn nɔ gɛt mɔ prɔblɛm.

Ɛksodɔs 34:14

“Una nɔ fɔ wɔship ɛni ɔda gɔd bikɔs mi PAPA GƆD a de Jɛlɔs; mi na jɛlɔs PAPA GƆD.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Ayzaya 30:15

Bikɔs na dis PAPA GƆD, we na di Oli Wan na Izrɛl se, “We una tɔn bak to mi ɛn sidɔm wit mi, a go sev una; we una sidɔm saful ɛn put una trɔst pan mi, una go gɛt trɛnk.” Bɔt una nɔ gri,

Ayzaya 30:11

lɛf fɔ waka na Gɔd rod, go du ɔda tin, lɛ wi nɔ yɛri bɔt Izrɛl in Oli Wan, igen”

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

1 Samiɛl 3:14

Na dat mek misɛf swɛ se ɔlman na Ilaɛl in famili go sɔfa fɔ dat ɛn nɔn sakrifays ɔ prɛzɛnt nɔ go mek a chenj mi maynd.”

Ruth 1:15

Naomi tɛl Ruth se mek i fala in sistɛnlɔ as in dɔn go bak to in pipul dɛn ɛn di gɔd dɛn we dɛn de wɔship.

Jɔshwa 24:23

Nain Jɔshwa tɛl dɛn se if dɛn min wetin dɛn se, lɛ dɛn bɔn bɔn ɔl dɛn lay lay gɔd dɛn we dɛn gɛt ɛn put ɔl dɛn atɛnshɔn to PAPA GƆD we nain na di PAPA GƆD na Izrɛl.

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Abakɔk 1:13

I se in no se PAPA GƆD in yay tu gud fɔ de luk ɔl di bad we dɛn de du so wetin fɔ mek i de luk di Babilonian dɛn naw we dɛn de pas am pan dɛn, aftaɔl dɛn de du wetin rayt pas di Babilonian dɛn.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Lɛvitikɔs 20:7

I se so naw, dɛn fɔ mek dɛnsɛf oli to PAPA GƆD; bikɔs nain na PAPA GƆD we na dɛn GƆD.

Jɔshwa 24:18

PAPA GƆD we pul di Amɔrayt dɛn kɔmɔt na di land ɛn gi dɛn nain dɛn go kɔmɔt biɛn? PAPA GƆD fɔbid! PAPA GƆD we dɔn du ɔl dɛn tin dɛn de fɔ dɛn nain na dɛn PAPA GƆD so nain dɛn go sav.

Di Sam Dɛm 99:3

Ɔlman fɔ prez am i oli ɛn i de du tin big ɛn i du fɔ fred.

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Lɛvitikɔs 11:45

I se, in na PAPA GƆD we na di PAPA GƆD we pul dɛn kɔmɔt pan slev layf na Ijipt fɔ mek i bi dɛn PAPA GƆD so dɛn fɔ bi difrɛn frɔm ɔda pipul dɛn lɛk am.

Ayzaya 2:9

Na so dɛn go ɔmbul mɔtalman, ɛn na so pipul dɛn kin fɔdɔm na layf- nɔ fɔgiv dɛm o!