Jɔshwa 24:18 - Krio Fɔs Oli Baybul

¹⁸ PAPA GƆD we pul di Amɔrayt dɛn kɔmɔt na di land ɛn gi dɛn nain dɛn go kɔmɔt biɛn? PAPA GƆD fɔbid! PAPA GƆD we dɔn du ɔl dɛn tin dɛn de fɔ dɛn nain na dɛn PAPA GƆD so nain dɛn go sav.

Jɔshwa 24:18 Referans Kwoze

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Mayka 4:2

dɔn dɛn pipul dɛn go se fɔ go ɔp na PAPA GƆD in mawnten, we na Mawnt Zayɔn usay PAPA GƆD in os de. I go tich wi wetin in want wi fɔ du; ɛn wisɛf go du wetin i want wi fɔ du. Na Jerusɛlɛm wetin PAPA GƆD wan tich de kɔmɔt; dɔn na Zayɔn i de de we i wan tɔk to in pipul dɛn.

Di Sam Dɛm 116:16

PAPA GƆD, fɔ tru tru, mi na pɔsin we de wɔship yu lɛk aw mi mama sɛf bin de wɔship yu; yu dɔn mek di sik we na bin lɛkɛ chen pan mi brok.

Ɛksodɔs 15:2

Na PAPA GƆD gi mi trɛnk fɔ siŋ fɔ am, ɛn nain de sev mi. In na mi PAPA GƆD, ɛn a go prez am, na mi papa in PAPA GƆD, a go es am ɔp.

Ɛksodɔs 10:2

Ɔl dis na fɔ mek una tɛl una pikin dɛn ɛn grampikin dɛn aw a mek di Ijipshian dɛn to fulman di tɛm we a pafɔm dɛn mirekul dɛn ya. Una ɔl go no se mi na PAPA GƆD.”

Apɔsul Dɛn Wok 7:45

Wi grampapa papa dɛn we bin de fɔs, day lɛf di bafa gi dɛn ɔda wan we tot am wɛn dɛn bin de go wit Jɔshwa, ɛn dɛn tek di kɔntri na dɛn ɔda neshɔn dɛn an we Gɔd bin drɛb go ɔda say bifo Jɔshwa ɛn di pipul dɛn bin rich de. Di bafa bin de na da kɔntri de, te di tɛm we Devid bin de rul.

Ɛksodɔs 23:31

A go mek una bawndri bigin na di Rɛd Si te rich to di Filistin dɛn Si, dɔn frɔm di ples we pɔsin nɔ go ebul tap te rich dɔŋ di Riva Yufretis. A go mek una ebul di pipul dɛn we de na di kɔntri ɛn una go drɛb dɛn as una de go.

Ditarɔnɔmi 33:27

Na PAPA GƆD de kɔba dɛn, di Gɔd we nɔ de day, nain de drɛb dɛn ɛnimi kɔmɔt na di land dɛn we dɛn de go insay, ɛn tɛl dɛn se, mek dɛn kil dɛn ɔl.

Jɔshwa 24:17

PAPA GƆD we bin du wɔndaful tin dɛn we dɛn ɔl bin si, ɛn pul dɛn ɛn dɛn papa dɛn kɔmɔt slevri na Ijipt? PAPA GƆD we gyad dɛn we dɛn bin de pas insay ɔda neshɔn dɛn land we dɛn bin de kɔmɔt Ijipt?

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Ditarɔnɔmi 10:21

I se na PAPA GƆD fɔ prez; nain na dɛn PAPA GƆD we dɔn du plɛnti tin dɛn we mek dɛn wɔnda.

Jɔshwa 23:9

I tɛl dɛn se we dɛn bin de go fɛt dɛn ɔda neshɔn dɛn, nɔto dɛn di Izrɛlayt dɛnsɛf bin de fɛt o, na PAPA GƆD bin de fɛt fɔ dɛn, bikɔs i bin dɔn prɔmis fɔ du an.