Jɔshwa 23:15 - Krio Fɔs Oli Baybul

¹⁵ I se as we PAPA GƆD we na dɛn PAPA GƆD gi dɛn ɔl di gud tin dɛn we i prɔmis se in go du, na so if dɛn tɔn dɛn bak pan an, PAPA GƆD we na dɛn PAPA GƆD go briŋ bad bad tin dɛn pan dɛn we go nyakanyaka dɛn na di land we i gi dɛn.

Jɔshwa 23:15 Referans Kwoze

Fɔs Lɛta Fɔ Tɛsalonayka 2:16

Dɛn tray fɔ tap wi mek wi nɔ tɛl dɛn pipul we nɔto Ju aw Gɔd go sev dɛn. Dɛn bin dɔn de sin plɛnti tɛm, ɛn dɛn nɔ bin tap fɔ sin, bɔt naw Gɔd dɔn vɛks pan dɛn ɛn i dɔn kɔndɛm dɛn.

Di Jɔj Dɛm 13:1

Di Izrɛlayt dɛn du bad bad tin dɛn bak we PAPA GƆD nɔ lɛk, nain PAPA GƆD mek di Filistin dɛn kapchɔ dɛn ɛn kɔntrol dɛn fɔ fɔti ia.

Di Jɔj Dɛm 6:1

Di Izrɛlayt dɛn du bad bad tin dɛn na PAPA GƆD in yay bak; so PAPA GƆD mek di Midianayt dɛn kapchɔ dɛn fɔ sɛvin ia.

Di Jɔj Dɛm 3:8

Ɔl dat bin mek PAPA GƆD vɛks pan Izrɛl, so i mek Kiŋ Kushan Rishataim na Mɛsopotemia kapchɔ dɛn ɛn rul dɛn fɔ et ia.

Di Jɔj Dɛm 3:12

Di Izrɛlayt dɛn du bad bad tin dɛn na PAPA GƆD in yay bak. So PAPA GƆD mek Kiŋ Ɛglɔn na Moab in ami, trɔŋ pas Izrɛl, bikɔs di Izrɛlayt dɛn nɔ bin de du wetin rayt na PAPA GƆD in yay.

1 Kiŋ 8:56

“Lɛ wi Prez PAPA GƆD we dɔn gi kol at to in yon pipul dɛn we na di Izrɛlayt dɛn lɛkɛ aw i bin prɔmis. I nɔ fel pan natin pan ɔl di prɔmis dɛn we i bin mek to Mozis.

1 Kiŋ 14:15

I se PAPA GƆD go pɔnish Izrɛl; dɛn go fiba dɛn plant we de flot na wata. I se in go pul dɛn kɔmɔt na di land we i bin dɔn gi dɛn papa dɛn ɛn skata dɛn ɔl te go biɛn Riva Yufretis bikɔs dɛn bil ples fɔ de wɔship Ashɛra.

Ayzaya 24:6

Fɔseka dat, swɛ de it di wɔl, ɛn di pipul we tap de, de sɔfa bikɔs dɛn gilti; so di wan dɛn we tap de, de bɔn, ɛn na tu tri man dɛn lɛf.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Lɛvitikɔs 26:3

Mozis se if dɛn obe di lɔ dɛn ɛn du ɔl wetin i se fɔ du,

Jɛrimaya 32:42

“Bikɔs na dis PAPA GƆD se: Jis lɛk aw a briŋ ɔl dɛn bad bad tin dɛn ya pan dɛn pipul ya, na so a go briŋ ɔl di gud tin dɛm we a dɔn prɔmis dɛm, to dɛm.