Jɔshwa 23:14 - Krio Fɔs Oli Baybul

¹⁴ Nain Jɔshwa tɛl dɛn se ɔldo in layf nɔ lɔŋ igen, bɔt dɛn fɔ mɛmba ɔltɛm na dɛn at ɛn sol se natin nɔ de we PAPA GƆD bin se i go du we i nɔ du.

Jɔshwa 23:14 Referans Kwoze

Lyuk 21:33

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

1 Kiŋ 2:2

I se, “Mi tɛm dɔn de rich fɔ go to mi pipul dɛn. Gɛt kɔrej, ɛn sho yusɛf to ɔlman se yu na bɔypikin,

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

1 Kiŋ 8:56

“Lɛ wi Prez PAPA GƆD we dɔn gi kol at to in yon pipul dɛn we na di Izrɛlayt dɛn lɛkɛ aw i bin prɔmis. I nɔ fel pan natin pan ɔl di prɔmis dɛn we i bin mek to Mozis.

1 Samiɛl 3:19

PAPA GƆD bin de wit Samiɛl we i bin de gro ɔp ɛn i kin mek shɔ se i du ɔl wetin Samiɛl tɔk se go bi.

Ɛkliziastis 12:5

di tɛm we yu go de fred fɔ tinap na ay ples, ɛn fred di bad bad tin dɛn we kin apin na trit; we di almɔn tik go dɔn rɛp, ɛn di grasɔpa de drɛg we i de waka, ɛn in filin na layf dɔn dɔn; bikɔs ɔlman fɔ go usay i go de sote go, ɛn pipul dɛn go munin na trit;

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Job 30:23

Yɛs, a no se na kil yu wan kil mi, ɛn kɛr mi go usay mɔtalman dɛn kin mit we dɛn day.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Jɛnɛsis 47:29

Wɛn Jekɔb bin no se i wan day, i sɛn kɔl in bɔypikin Josɛf ɛn se if i no se i lɛk am fɔ tru tru, put lɛ Josɛf put in an midul in di Jekɔb in lɛg ɛn swɛ se i nɔ go bɛr am insay Ijipt.