Jɔshwa 23:12 - Krio Fɔs Oli Baybul

¹² bikɔs if dɛn tɔn dɛn bak pan PAPA GƆD ɛn go jɔyn dɛn neba dɛn we dɛn nɔ bin kil ɛn tek dɛn land, mared dɛn sista dɛn, ɛn dɛn mared Izrɛl dɛn yon sista dɛn,

Jɔshwa 23:12 Referans Kwoze

Ditarɔnɔmi 7:3

Mozis wɔn di Izrɛlayt dɛn nɔ fɔ mared dɛn pipul dɛn de dɛn gyal pikin dɛn, ɛn nɔ fɔ gri lɛ dɛn mared Izrɛl gyal pikin.

Zɛfinaya 1:6

I se in go nyamanyama ɔl dɛn wan we dɔn lɛf fɔ fala in, PAPA GƆD, ɛn nɔ de bɔda fɛnɔt bɔt wetin i want igen

Izikɛl 18:24

Bɔt we pɔsin we bin de waka tret wit PAPA GƆD, chenj, ɛn bigin kɔmit sin, de du dɛn sem bad bad tin dɛn we PAPA GƆD nɔ lɛk, we wikɛd pipul dɛn kin du, i go liv? Fɔseka we i kɔmɔt biɛn PAPA GƆD ɛn fɔseka di sin we i dɔn kɔmit, i go day.

Jɔn In Fɔs Lɛta 2:9

Ɛni bɔdi we se in de na di layt, bɔt i nɔ lɛk in kɔmpin mɔtalman, na pɔsin we stil de na dak sote naw.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Jɔn 6:66

Fɔseka dat, plɛnti pan di pipul dɛn we bin de fala Jizɔs, tap fɔ fala am.

Matyu 12:45

I go go bak go briŋ ɔda sɛvin dɛbul we bad pas insɛf. Dɛn ɔl go tap insay de; so di pɔsin in kɔndishɔn go bad pas aw i bin tan fɔs. Na so i go tan fɔ dɛn tide pipul ya we bad so.”

Ayzaya 1:4

E, neshɔn we gɛt sin, pipul we de du so so bad, pikin we bad pipul bɔn, bɔypikin dɛn we kɔrɔpt! Dɛn dɔn kɔmɔt biɛn PAPA GƆD, dɛn nɔ rɛspɛkt di Oli Wan na Izrɛl dɛn dɔn kɔmɔt biɛn am kpatakpata.

Di Sam Dɛm 125:5

Bɔt lɛ dɛn wan we de du wetin dɛn lɛk fɔ du, sɔfa, lɛkɛ aw bad pipul de sɔfa. Mek pis de na Izrɛl!

Di Sam Dɛm 36:3

Na lay nɔmɔ ful in mɔt; i dɔn tɔn fulman ɛn nɔ no wetin i min fɔ du gud igen

1 Kiŋ 11:4

Aw Sɔlɔmɔn bin de ol na so in wɛf dɛn bin de tɔn in at fɔ wɔship ɔda gɔd dɛn; in at nɔ kam de to PAPA GƆD igen lɛkɛ aw in papa Devid in at bin de to PAPA GƆD.

1 Kiŋ 11:2

Ɔl dɛn uman yaso na dɛn PAPA GƆD bin dɔn tɛl di Izrɛlayt dɛn se dɛn nɔ fɔ mared bikɔs, dɛn go tɔn dɛn at fɔ de wɔship dɛn yon gɔd dɛn. Bɔt Sɔlɔmɔn nɔ bin bisin, bifo dat na dɛn i bin de mek lɔv wit.

Jɛnɛsis 34:3

Shɛkɛm bin lɛk Dayna bad bad wan so i fɔl fɔ am, ɛn i bin de koks am fɔ mek dɛn tu de.

Jɛnɛsis 2:24

Na fɔ dis mek man go lɛf in mama ɛn papa ɛn go de wit in wɛf, ɛn dɛn tu go bi wan.

Ditarɔnɔmi 7:4

I se if dɛn mistek mared dɛn, dɛn gyal pikin dɛn we go dɔn bi Izrɛl dɛn bɔypikin dɛn wɛf dɛn, go pul di Izrɛl bɔypikin dɛn at kɔmɔt to PAPA GƆD ɛn kɛr dɛn go wɔship ɔda gɔd dɛn, ɛn dat go mek PAPA GƆD vɛks bad bad wan pan Izrɛl ɛn nɔ go westɛm fɔ kil dɛn ɔl.

Jɔshwa 23:11

I se di big tin na fɔ lɛ dɛn lɛk PAPA GƆD we na dɛn PAPA GƆD,

Di Jɔj Dɛm 3:6

Izrɛl ɛn di difrɛn difrɛn neshɔn dɛn bin de mared dɛn kɔmpin bɔy ɛn gyal pikin dɛn, ɛn Izrɛl bin de wɔship dɛn gɔd dɛn.

Ditarɔnɔmi 6:15

If dɛn wɔship dɛn, PAPA GƆD we na dɛn PAPA GƆD de jɛlɔs ɛn i go vɛks bad bad wan pan dɛn ɛn go kil dɛn tret.

Di Jɔj Dɛm 14:3

Nain in mama ɛn papa aks am se if i nɔ si nɔn pan in fambul dɛn gyal pikin dɛn we i lɛk, ɔ ivin pan ɔl di wanol Izrɛl dɛn gyal pikin dɛn we i go mared. If na dɛn ɔnsakɔmsayz filistin dɛn gyal pikin i want. Bɔt Samsin tɛl dɛn se, na im in at tek, so mek dɛn go mared am fɔ am.