Jɔshwa 23:10 - Krio Fɔs Oli Baybul

¹⁰ Jɔshwa se wans na PAPA GƆD de fɛt fɔ dɛn, jɔs wan man pan dɛn kin ebul kil wan tawzin pan dɛn ɛnimi.

Jɔshwa 23:10 Referans Kwoze

Ditarɔnɔmi 32:30

Aw kɔm waŋren pɔsin ebul bit wan tawzin pipul, ɛn tu pipul mek tu tawzin pipul rɔnawe? Pas if di wan we de fɛt fɔ dɛn pul an pan dɛn, ɛn PAPA GƆD dɔn pul at pan dɛm.

Lɛvitikɔs 26:8

Na fayv man nɔmɔ go win wan ɔndrɛd man, dɔn na wan ɔndrɛd man go win tɛn tawzin; ɔl dɛn ɛnimi dɛn we fɛt dɛn na wa go lɔs di wa.

Ditarɔnɔmi 3:22

I tɛl dɛn se na PAPA GƆD we na dɛn PAPA GƆD de fɛt fɔ dɛn so dɛn nɔ fɔ fred dɛn atɔl.

Ɛksodɔs 14:14

I se PAPA GƆD go fɛt fɔ dɛn, so lɛ dɛn nɔ wɔri dɛn at.

Di Sam Dɛm 35:1

PAPA GƆD dil wit dɛn wan we de fɔ mɛmba bad fɔ mi; fɛt dɛn wan we de fɔ fɛt mi.

Ditarɔnɔmi 20:4

bikɔs na PAPA GƆD we na dɛn PAPA GƆD insɛf de go fɛt di ɛnimi fɔ dɛn, ɛn i go mek dɛn win.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Jɔshwa 23:3

bɔt di pipul dɛn fɔ mɛmba ɔl wetin PAPA GƆD du ɔda neshɔn dɛn fɔ dɛn sek; aw i fɛt fɔ dɛn fɔ dɛn sek.

1 Samiɛl 14:6

Jonɛthan tɛl in bɔbɔ we kin tot in tin dɛn fɔ fɛt se lɛ dɛn go na dɛn ithɛn dɛn bes sɔntɛm PAPA GƆD go ɛp dɛn as PAPA GƆD de yuz bɔku pipul ɔ smɔl pipul if i wan fɔ ɛp pipul.

Jɔshwa 10:42

Jɔshwa dɛn bin ebul kapchɔ ɔl dɛn kiŋ dɛn de ɛn dɛn land dɛn bikɔs, PAPA GƆD we na Izrɛl dɛn PAPA GƆD, bin de fɛt fɔ dɛn.

Di Jɔj Dɛm 15:15

I si wan dɔŋki jabon, nain i tek am. I tek di dɔŋki jabon kil wan tawzin Filistin man.

2 Samiɛl 23:8

Na di sojaman dɛn dis we Devid bin gɛt. Joshɛb Bashɛbɛth we na bin Takɛmonayt na bin di edman fɔ ɔl di sojaman dɛn we nain di kiŋ de tɛl wetin dɛn wetin fɔ du. Wans ɔf tɛm, in wan yuz in spia ɛn kil et ɔndrɛd man we i go fɛt.

Di Jɔj Dɛm 3:31

Afta Eud, na Shamga we na Anath in bɔypikin, we kil siks ɔndrɛd Filistin wit da tik we dɛn de tek kɔntrol dɛn kaw we dɛn de dig fam, bin fri Izrɛl.

Ditarɔnɔmi 20:3

Mozis se di man we de mak sakrifays fɔ pipul sin fɔ tɛl dɛn se, we dɛn de kam go fɛt dɛn ɛnimi dɛn so, nɔbɔdi at nɔ fɔ de kɔt, nɔbɔdi nɔ fɔ panik, nɔbɔdi nɔ fɔ trimbul ɔ fred di ɛnimi dɛn,

Ditarɔnɔmi 28:7

PAPA GƆD we na dɛn Gɔd go mek dɛn bit dɛn ɛnimi ɔltɛm; dɛn go pas wansay fɔ kam fɛt una, ɛn dɛn go skata sɛvin say fɔ rɔnawe.

Ditarɔnɔmi 32:20

I se in nɔ go ɛp dɛn igen ɛn i go si if dɛn go de lɛkɛ aw dɛn bin de we in bin de du fɔ dɛn, bikɔs dɛn na traŋayes pipul dɛn we nɔ de waka tret.

Jɔshwa 23:11

I se di big tin na fɔ lɛ dɛn lɛk PAPA GƆD we na dɛn PAPA GƆD,

1 Kronikuls 5:22

Plɛnti pipul bin day bikɔs na PAPA GƆD bin gɛt di wa. Dɛn bin tap na dɛn ples sote di tɛm we dɛn bin kɛr dɛn go ɛgzayl.

Ayzaya 30:17

Wan tawzin pipul go rɔnawe wɛn wan pɔsin trɛtin dɛn, wɛn fayv pɔsin trɛtin una, una ɔl go le, te te una lɛf lɛk flag polpantap mawnten, lɛk sayn na il.

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Lɛvitikɔs 26:7

Dɛn go ebul dɛn ɛnimi dɛn ɛn win dɛn na wa.

1 Kronikuls 5:20

ɛn wɛn dɛn bin gɛt pipul dɛn fɔ ɛp dɛn fɔ fɛt, dɛn bin kapchɔ di Agrayt ɛn ɔl di wan dɛn we bin de wit dɛn, bikɔs dɛn bin pre to PAPA GƆD we dɛn de fɛt. I gi dɛn wetin dɛn aks fɔ bikɔs dɛn biliv am.