Jɔshwa 22:5 - Krio Fɔs Oli Baybul

⁵ I se lɛ dɛn mek shɔ se dɛn du ɔl wetin Mozis we na PAPA GƆD in wokman tɛl dɛn se PAPA GƆD se dɛn fɔ de du. I se dat na fɔ lɛk PAPA GƆD we na dɛn PAPA GƆD ɛn du ɔl wetin i se dɛn fɔ de du, biliv in wan ɛn wok fɔ an wit ɔl dɛn at ɛn dɛn sol.

Jɔshwa 22:5 Referans Kwoze

Matyu 22:37

Jizɔs se, “ ‘Yu fɔ lɛk di Masta we na yu Gɔd wit ɔl yu at, wit ɔl yu layf ɛn wit ɔl yu maynd.’

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Ditarɔnɔmi 11:22

Mozis se if dɛn du ɔl wetin i bin tɛl dɛn se PAPA GƆD we na dɛn PAPA GƆD se dɛn fɔ de du, dat na fɔ lɛk PAPA GƆD we na dɛn PAPA GƆD, waka tret wit am ɛn biliv in waŋren,

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Apɔsul Dɛn Wok 27:23

Yɛstade nɛt, Gɔd we gɛt mi ɛn we a de pre to sɛn in enjɛl kam to mi.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Jɔn 14:15

“If una lɛk mi, una go de du ɔl wetin a tɛl una fɔ du.

Lyuk 1:74

in go pul wi na dɛn wan we nɔ lɛk wi, dɛn an, so wi nɔ go fred fɔ sav am,

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Di Sam Dɛm 106:3

I go fayn fɔ dɛn wan dɛn we de fɛt fɔ wetin rayt, ɛn we de du wetin rayt ɔltɛm.

Ditarɔnɔmi 11:13

Mozis tɛl dɛn se if dɛn lɛk PAPA GƆD we na dɛn GƆD ɛn wok fɔ am wit ɔl dɛn at ɛn dɛn sol, ɛn du ɔl wetin i se,

Ditarɔnɔmi 11:1

Mozis tɛl di Izrɛlayt dɛn se dɛn fɔ lɛk PAPA GƆD we na dɛn PAPA GƆD, obe ɔl in lɔ dɛn ɛn du ɔl wetin i se dɛn fɔ de du.

Ditarɔnɔmi 6:17

I advays dɛn se dɛn nɔ fɔ de mek traŋayes bɔt dɛn fɔ de obe ɔl di lɔ dɛn we PAPA GƆD we na dɛn PAPA GƆD dɔn gi dɛn.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Prɔvabs 4:23

Tek tɛm aw yu de tink; bikɔs aw yu de tink na so yu de biev.

1 Samiɛl 12:24

I lɛf to una fɔ rɛspɛkt PAPA GƆD ɛn sav am wit ɔl una at. Tink bɔt ɔl wetin i dɔn du fɔ una.

1 Samiɛl 12:20

Samiɛl se lɛ dɛn nɔ fred. I se, “Pan ɔl di bad we una dɔn du, una nɔ fɔ ɛva lɛf PAPA GƆD fɔ go wɔship ɔda gɔd dɛn bɔt una fɔ wɔship PAPA GƆD wit ɔl una at.

1 Samiɛl 7:3

So Samiɛl tɛl di Izrɛlayt dɛn se if dɛn wan tɔn bak to PAPA GƆD wit ɔl dɛn at, dɛn fɔ trowe ɔl dɛn ɔda pipul dɛn gɔd dɛn we dɛn de wɔship ɛn di Ashtarɔt dɛn ɛn gi dɛnsɛf wit wan at to PAPA GƆD ɛn wɔship in nɔmɔ, dɔn i go pul dɛn kɔmɔt na di Filistin dɛn an.

Jɔshwa 23:8

bɔt dɛn fɔ waka tret wit PAPA GƆD we na dɛn PAPA GƆD, ɔltɛm.

Ditarɔnɔmi 13:4

I se na PAPA GƆD nɔmɔ dɛn fɔ put dɛn at to; dɛn fɔ rɛspɛkt am ɛn du ɔl wetin I se, ɛn nain nɔmɔ dɛn fɔ lisin to, wɔship ɛn biliv in waŋren.

Ditarɔnɔmi 10:20

I se dɛn fɔ rɛspɛkt PAPA GƆD ɛn wɔship in waŋren, sav am, ɛn yuz in nem fɔ prɔmis pɔsin ɛnitin.

Ditarɔnɔmi 4:9

Bɔt wan impɔtant tin we Mozis tɔk na dat di Izrɛlayt dɛn fɔ mek shɔ se dɛn nɔ fɔgɛt ɔl wetin dɛn dɔn si, yɛri ɛn lan, sote dɛn day. I se dɛn fɔ mek shɔ se dɛn lan dɛn pikin ɛn granpikin dɛn ɔl di tin dɛn we i dɔn tɛl dɛn se PAPA GƆD se dɛn fɔ du ɛn nɔ fɔ du, ɛn ɔl di tin dɛn we bin apin.

Ditarɔnɔmi 4:6

I se dɛn fɔ de mɛmba ɔltɛm se di lɔ dɛn na pat ɔf dɛn layf bikɔs, we dɛn du ɔl wetin di lɔ se, ɔda pipul dɛn we yɛri bɔt dɛn go rɛspɛkt dɛn ɛn go se, ‘fɔ tru tru, dis gret neshɔn ya gɛt sɛns.’

Ditarɔnɔmi 4:4

bɔt se dɛn we bin de waka tret wit PAPA GƆD we na dɛn PAPA GƆD, bin de ɛnjɔy dɛn layf da tɛm de.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Ɛksodɔs 23:25

Na mi PAPA GƆD una fɔ wɔship, ɛn if una wɔship mi, a go blɛs una wit bɔku it ɛn wata, ɛn a nɔ go mek wan sik ol una.

Ditarɔnɔmi 4:29

I se bɔt if dɛn pre siriɔs wan to PAPA GƆD we na dɛn PAPA GƆD wit ɔl dɛn at ɛn ɔl dɛn sol we dɛn de na dɛn kɔntri dɛn de, i go mɔs ansa dɛn.

Ditarɔnɔmi 5:10

bɔt ɔl di wan dɛn we lɛk am ɛn de du wetin i se, kin ɛnjɔy in lɔv to di tawzin tawzin jɛnareshɔn sɛf..

Di Sam Dɛm 78:7

Da tɛm de, dɛn go trɔs PAPA GƆD ɛn nɔ fɔgɛt ɔl wetin i dɔn du ɛn dɛn go obe am.

Ɛksodɔs 23:13

“Una kiaful fɔ du ɔl wetin a dɔn tɛl una; una nɔ pre to ɔda gɔd dɛn; infakt una nɔ kɔl dɛn nem sɛf na una mɔt.