Jɔshwa 22:27 - Krio Fɔs Oli Baybul

²⁷ bɔt na fɔ lɛ dɛn ɔl pikin dɛn tumara go no se dɛnsɛf di Izrɛlayt dɛn na di ist bin de wɔship PAPA GƆD ɛn bin de mek ɔl di sakrifays dɛn ɛn di ɔfrin dɛn, lɛ dɛn nɔ go tɛl dɛn yon pikin dɛn na di ist se dɛn nɔ no PAPA GƆD.

Jɔshwa 22:27 Referans Kwoze

Jɔshwa 24:27

Nain Jɔshwa se na di ston na dɛn witnɛs inkes di Izrɛlayt dɛn kɔmɔ biɛn PAPA GƆD, bikɔs di ston yɛri ɔl wetin dɛn bin de se.

Jɛnɛsis 31:48

Leban se, “Lɛ dis payl bi witnɛs fɔ mi ɛn yu tide fɔ mɛmba wi bɔt dis bagin. Na dat mek di ples nem Galid.”

Jɔshwa 22:34

Di Rubɛnayt ɛn di Gadayt gi di ɔlta nem Witnɛs bikɔs dɛn se nain go mek pikin dɛn bambay no se na di sem Gɔd we na PAPA GƆD di Izrɛlayt dɛn na di ist ɛn di wan dɛn na di wɛst bin de wɔship.

Ditarɔnɔmi 12:11

da tɛm de, dɛn fɔ kɛr ɔltin we i bin dɔn tɛl dɛn se dɛn fɔ kɛr go; dɛn animal dɛn fɔ bɔn na faya to PAPA GƆD ɛn di ɔda sakrifays dɛn, dɛn tayth, di wan we dɛn fɔ gi wit dɛn yon an ɛn di wan dɛn we dɛn bin dɔn prɔmis se dɛn go de gi PAPA GƆD.

1 Samiɛl 7:12

Dɛn Samiɛl tek wan big ston we i put na Mizpa ɛn Shɛn. I kɔl am Ibɛniza ɛn se PAPA GƆD dɔn de ɛp dɛn te da tɛm de.

Jɔshwa 22:10

We di Rubɛn, di Gad ɛn af di Manasɛ fambul dɛn bin de na rod de go na dɛn yon land we PAPA GƆD bin gi dɛn, dɛn bil wan big fayn fayn ɔlta na Gɛlilɔth nia Riva Jɔdan bifo dɛn krɔs di riva.

Jɛnɛsis 31:52

dɛn tu na witnɛs, ɛn nɔn pan wi nɔ fɔ krɔs de fɔ go ambɔg in kɔmpin.

Jɔshwa 22:26

Dɛn se dɛn nɔ bil di ɔlta fɔ mek sakrifays,

Jɔshwa 22:28

Dɛn se na dat mek dɛn mek di sem kayn ɔlta we dɛn fɔstɛmpapa dɛn mek fɔ PAPA GƆD. Dɛn se dɛn nɔ bil an fɔ mek sakrifays bɔt na lɛ di wɔl go no se, di Izrɛlayt dɛn na di ist ɛn di wan dɛn na di wɛst, na wan.

Di Sam Dɛm 16:5

PAPA GƆD, yu dɔn gi mi wetin a want ɛn mi layf de na yu an.

Ayzaya 19:19

Da de de, PAPA GƆD in ɔlta go de na Ijipt, ɛn wan pila go de na di bɔda fɔ PAPA GƆD.