Jɔshwa 22:23 - Krio Fɔs Oli Baybul

²³ bikɔs i go bi datɛnde se dɛn bil ɔlta fɔ tɔn dɛn bak pan PAPA GƆD; ɔ if i bi se dɛn bil ɔlta fɔ mek sakrifays we dɛn de bɔn na faya, ɔ sid ɔfrin ɔ pis ɔfrin, lɛ PAPA GƆD dil wit dɛn ɛn nɔ sɔri fɔ dɛn.

Jɔshwa 22:23 Referans Kwoze

1 Samiɛl 20:16

So Jonɛthan ɛn Devid mek bagin ɛn i wish se PAPA GƆD go fɛt ɔl Devid in ɛnimi dɛn fɔ am.

Ditarɔnɔmi 18:19

ɛn ɛnibɔdi we nɔ lisin to am ɛn du wetin i se, in PAPA GƆD go pɔnish da pɔsin de,

Izikɛl 33:8

If a se to di wikɛd man, O wikɛd man, yu go day fɔ tru tru, ɛn yu nɔ tɔk fɔ wɔn di wikɛd man fɔ lɛ i chenj pan in wikɛdnɛs, da wikɛd man de, go day pan in bad bad wikɛdnɛs, bɔt a go aks fɔ in blɔd na yu an.

Izikɛl 33:6

Bɔt if di wachman si di sɔd de kam, ɛn i nɔ blo di trɔmpɛt, so dat i wɔn di pipul, ɛn di sɔd kam, ɛn tek ɛni wan pan an dɛm; i go tek da man de pan in bad bad wikɛdnɛs, bɔt a go aks fɔ in blɔd na di wachman in an.

Izikɛl 3:18

If a tɛl di wikɛd man se, ‘fɔ tru tru yu go day,’ ɛn yu nɔ gi am di wɔnin, yu nɔ tɔk fɔ wɔn di wikɛd man lɛ i go chenj frɔm di wikɛd tin dɛn we i de du, so dat i go sev in layf, da wikɛd man de go day wit di wikɛd we i de du; bɔt a go ol yu fɔ in blɔd.

2 Kronikuls 24:22

Dat sho se Joash we na bin di kiŋ, nɔ mɛmba di gud we Jɛoiada we na Zɛkaraya in papa, bin du to am, bɔt i kil in bɔypikin. Wɛn i bin de day i day se, “Mek Papa si ɛn rivɛnj!”

Ditarɔnɔmi 12:11

da tɛm de, dɛn fɔ kɛr ɔltin we i bin dɔn tɛl dɛn se dɛn fɔ kɛr go; dɛn animal dɛn fɔ bɔn na faya to PAPA GƆD ɛn di ɔda sakrifays dɛn, dɛn tayth, di wan we dɛn fɔ gi wit dɛn yon an ɛn di wan dɛn we dɛn bin dɔn prɔmis se dɛn go de gi PAPA GƆD.

Jɛnɛsis 9:4

Wan tin nɔmɔ, una nɔ fɔ it ɛnitin we rɔ we gɛt blɔd pan am, bikɔs na di blɔd gɛt layf.

Jɔshwa 22:24

Dɛn kɔntinyu se nɔto ɔl dat mek dɛn bil di ɔlta. Dɛn se dɛn bil an bikɔs dɛn de fred se tumara tumara, dɛn pikin dɛn we de na di wɛst go tɔn aks dɛn pikin dɛn na di ist se us wan na dɛn yon wit PAPA GƆD we na Izrɛl dɛn PAPA GƆD.