Jɔshwa 22:18 - Krio Fɔs Oli Baybul

¹⁸ we fɔ mek de lɛk tide dɛn nɔ kɔmɔt biɛn PAPA GƆD tɛm lɛkɛ dawande, bikɔs we PAPA GƆD go wan pɔnish, i nɔ go pik; na dɛn ɔl i go pɔnish bambay.

Jɔshwa 22:18 Referans Kwoze

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Jɔshwa 22:16

dɛn go de fɔ go tɔk fɔ PAPA GƆD in pipul dɛn, ɛn aks dɛn se wetindu dɛn tɔn dɛn bak gi PAPA GƆD ɛn go bil ɔlta fɔ dɛnsɛf, ɛn wetindu dɛn fɔ pul at pan PAPA GƆD ɛn du da bad bad tin de.

2 Kronikuls 34:33

Ɛn Josaya pul ɔl di abɔmineshɔn dɛm kɔmɔt na ɔlsay we blant di pipul dɛm na Izrɛl ɛn mek ɔl udat de Izrɛl sav PAPA GƆD dɛn Gɔd. In yon tɛm, ɔl in yon layf dɛn nɔ tɔn pan fɔ fala PAPA GƆD dɛn papa dɛn Gɔd.

2 Kronikuls 25:27

Frɔm di tɛm we i tɔn in bak gi PAPA GƆD, naim dɛn tayt bagin fɔ am na Jerusɛlɛm, ɛn i rɔnawe go Lakish. Bɔt dɛn sɛn pipul go fɛn am, ɛn dɛn kil am de.

1 Kronikuls 21:14

So PAPA GƆD sɛn bad bad siknɛs we de kil pipul kwik kwik pan Izrɛl, ɛn na sɛvinti tawzin pipul day.

1 Kronikuls 21:1

Setan tinap fɔ fɛt Izrɛl ɛn tɛmt Devid fɔ kɔnt di pipul dɛn na Izrɛl.

2 Kiŋ 17:21

Afta we PAPA GƆD dɔn pul di Izrɛlayt dɛn kɔmɔt to di Juda pipul dɛn, di Izrɛlayt dɛn mek Nebat in bɔypikin we na Jɛroboam Kiŋ. Jɛroboam tek tɛm pul di Izrɛlayt dɛn kɔmɔt ɛn nɔ mek dɛn du wetin PAPA GƆD want.

1 Kiŋ 9:6

“Bɔt if yu ɔ yu bɔypikin dɛn tɔn una bak pan mi, dɔn una nɔ obe mi kɔmandmɛnt ɛn de fala ɔda gɔd dɛn ɛn wɔship dɛn,

2 Samiɛl 24:1

PAPA GƆD vɛks pan di pipul bak so i mek Devid kɔnt ɔmɔs man ebul fɛt na Izrɛl ɛn na Juda.

1 Samiɛl 12:20

Samiɛl se lɛ dɛn nɔ fred. I se, “Pan ɔl di bad we una dɔn du, una nɔ fɔ ɛva lɛf PAPA GƆD fɔ go wɔship ɔda gɔd dɛn bɔt una fɔ wɔship PAPA GƆD wit ɔl una at.

1 Samiɛl 12:14

If una de fred PAPA GƆD ɛn wan sav am ɛn obe am, una fɔ du wetin PAPA GƆD se ɛn mɔ so, if una ɛn di kiŋ we de oba una du wetin PAPA GƆD se, i go fayn fɔ una.

Jɔshwa 22:20

Finɛas ɛn di bigman dɛn na di wɛst mɛmba dɛn bɔt aw Ekan bin tek di tin dɛn we PAPA GƆD se nɔ fɔ tek we nɔto in waŋren bin sɔfa; na di wanol Izrɛl sɔfa.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Jɔshwa 7:11

PAPA GƆD se Izrɛl dɔn kɔmit sin bikɔs dɛn dɔn jomp in wɔd. I se di agrimɛnt we dɛn bin gɛt, na fɔ nyakanyaka ɔltin na Jɛriko, bɔt dɛn dɔn tif sɔm pan di tin dɛn put pan dɛn yon ɛn dɛn de lay.

Jɔshwa 7:1

PAPA GƆD bin tɛl di Izrɛlayt dɛn se dɛn fɔ bɔn Jɛriko ɛn dɛn nɔ fɔ tek natin we i dɔn se dɛn fɔ bɔn. Ekan we kɔmɔt na Juda, na kami in bɔypikin. Kami na Zabdi in yon bɔypikin. Zabdi na Zɛra in bɔy in yon pikin. Ekan tek sɔm pan di tin dɛn, ɛn dat bin mek PAPA GƆD vɛks bad bad wan pan Izrɛl.

Ditarɔnɔmi 7:4

I se if dɛn mistek mared dɛn, dɛn gyal pikin dɛn we go dɔn bi Izrɛl dɛn bɔypikin dɛn wɛf dɛn, go pul di Izrɛl bɔypikin dɛn at kɔmɔt to PAPA GƆD ɛn kɛr dɛn go wɔship ɔda gɔd dɛn, ɛn dat go mek PAPA GƆD vɛks bad bad wan pan Izrɛl ɛn nɔ go westɛm fɔ kil dɛn ɔl.

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Di Nɔmba Dɛm 32:15

if dɛn nɔ fala PAPA GƆD, i go lɛf dɛn ɔl na di ɛmti land we pɔsin nɔ go ebul tap ɛn da tɛm de na dɛn ɔlman go blem.

Jɔshwa 22:15

Dɛn go to di tri fambul; dat na di Rubɛn, di Gad ɛn di Manasɛ fambul dɛn. Finɛas ɛn di wan dɛn we go wit am, tɛl dɛn se,