Jɔshwa 22:15 - Krio Fɔs Oli Baybul

¹⁵ Dɛn go to di tri fambul; dat na di Rubɛn, di Gad ɛn di Manasɛ fambul dɛn. Finɛas ɛn di wan dɛn we go wit am, tɛl dɛn se,

Jɔshwa 22:15 Referans Kwoze

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

1 Kɔrint 5:4

Wɛn una mit ɛn mi at de wit una, ɛn Masta Jizɔs in pawa de wit wi,

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

Matyu 18:17

If di pɔsin nɔ tek wetin di tu ɔ tri witnɛs tɛl am, yu fɔ tɔk wetin di pɔsin du yu na di chɔch mek ɔlman yɛri. Bɔt if di pɔsin nɔ gri tek wetin di chɔch pipul dɛn tɛl am, da tɛm de yu fɔ tek am lɛkɛ pɔsin we nɔ biliv pan Gɔd ɛn pɔsin we nɔ gri fɔ lɛf di bad we i de du.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Di Sam Dɛm 78:8

Dat go mek dɛn nɔ fiba dɛn lɔntɛm pipul, we bin traŋayes ɛn gɛt ambɔgin. Dɛn at nɔ bin de to PAPA GƆD, so dɛn nɔ bin bisin bɔt am.

Ɛzra 9:15

E PAPA GƆD, Izrɛl dɛn GƆD, yu raychɔs! Wi ɔl de bifo yu naw gilti gilti wan, ɛn if nɔto fɔ yu masi, nɔn pan wi nɔ fit fɔ tinap bifo yu.”

Ɛzra 9:2

Dɛn se di Ju pipul dɛn de mared dɛn fɔrina ya dɛn gyal pikin dɛn, ɛn sɛf dɛn de mek dɛn bɔypikin dɛnsɛf mared di fɔrina dɛn gyal pikin dɛn. Dɛn we se dɛn gɔdli ɛn oli na dɛn dɔn miksɔp ɛn dɔti dɛnsɛf wit dɛn kaynaba tin ya. Infakt fɔ mek tin wɔs na di lida dɛn ɛn di bigman dɛn de bifo pan dis kaynaba dɔti gem.

2 Kronikuls 28:13

ɛn tɛl dɛn se, “Una nɔ go briŋ di wan dɛn we una kapchɔ kam ya, bikɔs una mek ɔp fɔ gi wi waala to PAPA GƆD ɛn ad pan wi sin dɛn we wi ɔlrɛdi gilti fɔ. Wi sin dɛn ɔlrɛdi bɔku, ɛn PAPA GƆD in at ɔlrɛdi wam bad bad wan pan Izrɛl.”

2 Kronikuls 26:18

ɛn dɛn stɔp kiŋ Uzaya ɛn tɛl am se, “Nɔto yu Uzaya fɔ bɔn insɛns to PAPA GƆD. Na di man dɛn we de mek sakrifays fɔ pipul sin, we na Erɔn in bɔypikin dɛn, we na dɛn, dɛn dɔn kɔnsikret fɔ bɔn insɛns. Kɔmɔt na dis oli ples go na do, bikɔs yu dɔn du bad ɛn yu nɔ go gɛt ɔna to PAPA GƆD fo dat.”

2 Kronikuls 25:27

Frɔm di tɛm we i tɔn in bak gi PAPA GƆD, naim dɛn tayt bagin fɔ am na Jerusɛlɛm, ɛn i rɔnawe go Lakish. Bɔt dɛn sɛn pipul go fɛn am, ɛn dɛn kil am de.

2 Kronikuls 10:19

Frɔm da de de, nain di Izrɛlayt dɛn bigin barɔf pan Devid in pikin dɛn te tide.

1 Kronikuls 21:3

Bɔt Joab tɛl am se, “Mek PAPA GƆD mek in pipul dɛn plɛnti ɔndrɛd tɛm mɔ! Mi kiŋ ɛn mi masta, dɛn ɔl nɔto mi masta in wokman dɛm? Wetin mek mi masta want fɔ du dat? Wetindu i wan mek Izrɛl fil gilti?”

1 Samiɛl 15:23

Bikɔs fɔ mek lɛk rebɛl pan PAPA GƆD jɛs tan lɛk yu de lukgrɔn ɛn fɔ mek tɔf pan am jɛs tan lɛk we man de wɔship ɔda gɔd dɛn. So sins yu lɛf fɔ du wetin PAPA GƆD want, insɛf nɔ want yu fɔ bi kiŋ igen”

Jɔshwa 22:18

we fɔ mek de lɛk tide dɛn nɔ kɔmɔt biɛn PAPA GƆD tɛm lɛkɛ dawande, bikɔs we PAPA GƆD go wan pɔnish, i nɔ go pik; na dɛn ɔl i go pɔnish bambay.

Jɔshwa 22:12

We dɛn yɛri se na so dɔn bi, ɔl di man dɛn go gɛda na Shaylɔ fɔ go fɛt di tri fambul dɛn; dat na di Rubɛn, di Gad ɛn af di Manasɛ fambul.

Ditarɔnɔmi 30:17

I se bɔt if dɛn tɔn dɛn bak gi PAPA GƆD ɛn nɔ gri lisin ɔl we i de wɔn dɛn, ɛn fala ɔda pipul go wɔship ɔda gɔd dɛn,

Ditarɔnɔmi 7:4

I se if dɛn mistek mared dɛn, dɛn gyal pikin dɛn we go dɔn bi Izrɛl dɛn bɔypikin dɛn wɛf dɛn, go pul di Izrɛl bɔypikin dɛn at kɔmɔt to PAPA GƆD ɛn kɛr dɛn go wɔship ɔda gɔd dɛn, ɛn dat go mek PAPA GƆD vɛks bad bad wan pan Izrɛl ɛn nɔ go westɛm fɔ kil dɛn ɔl.

Di Nɔmba Dɛm 32:15

if dɛn nɔ fala PAPA GƆD, i go lɛf dɛn ɔl na di ɛmti land we pɔsin nɔ go ebul tap ɛn da tɛm de na dɛn ɔlman go blem.

Di Nɔmba Dɛm 14:43

I wɔn dɛn se dɛn go brakɛt di Amalɛkayt dɛn ɛn di Kenanayt dɛn we go bit dɛn. I se as dɛn dɔn ib PAPA GƆD oba, i nɔ go de wit dɛn so dɛn go day na wa.

Di Nɔmba Dɛm 5:6

fɔ tɛl di Izrɛlayt dɛn se, wɛn man ɔ uman du in kɔmpin bad ɛn dat mek i nɔ du wetin PAPA GƆD want, i dɔn sin ɛn

Lɛvitikɔs 26:40

I se if di wan dɛn we lɛf kɔnfɛs dɛn sin dɛn wit dɛn fɔstɛm-papa dɛn sin dɛn, we dɛn bin stil de mek traŋayes ɛn nɔ lisin to am,

Lɛvitikɔs 5:19

Na ɔfrin fɔ wetin i fɔ sɔfa; i dɔn sin bifo PAPA GƆD.

Ɛksodɔs 32:8

Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

Jɔshwa 22:14

tɛn chif we wan wan kɔmɔt na di tɛn fambul, ɛn di edman dɛn na di difrɛn famili dɛn na Izrɛl.

Jɔshwa 22:16

dɛn go de fɔ go tɔk fɔ PAPA GƆD in pipul dɛn, ɛn aks dɛn se wetindu dɛn tɔn dɛn bak gi PAPA GƆD ɛn go bil ɔlta fɔ dɛnsɛf, ɛn wetindu dɛn fɔ pul at pan PAPA GƆD ɛn du da bad bad tin de.