Jɔshwa 21:45 - Krio Fɔs Oli Baybul

⁴⁵ PAPA GƆD bin mek plɛnti prɔmis dɛn to Izrɛl ɛn i nɔ pwɛl nɔn.

Jɔshwa 21:45 Referans Kwoze

1 Kiŋ 8:56

“Lɛ wi Prez PAPA GƆD we dɔn gi kol at to in yon pipul dɛn we na di Izrɛlayt dɛn lɛkɛ aw i bin prɔmis. I nɔ fel pan natin pan ɔl di prɔmis dɛn we i bin mek to Mozis.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Fɔs Lɛta Fɔ Tɛsalonayka 5:24

Gɔd we kɔl una fɔ bi in yon pipul go du dat fɔ una, bikɔs i de du ɔl wetin i prɔmis.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Ayzaya 48:3

“A bin dɔn tɛl una lɔntɛm bɔt di tin dɛn we bin dɔn bi, dɛn kɔmɔt na miyon mɔt ɛn a mek una no bɔt dɛn; dɔn wantɛm wantɛm, a du dɛm, ɛn dɛn bi.

1 Samiɛl 3:19

PAPA GƆD bin de wit Samiɛl we i bin de gro ɔp ɛn i kin mek shɔ se i du ɔl wetin Samiɛl tɔk se go bi.

1 Kiŋ 8:15

Dɔn i se, “Prez PAPA GƆD Izrɛl dɛn PAPA GƆD, we nain yon an i dɔn tek fɔ du wetin i prɔmis mi Papa Devid, we i se,

1 Kiŋ 8:20

PAPA GƆD dɔn kip to di prɔmis we i mek: i bin se na mi go sidɔm na mi Papa Devid in ples, naw na mi dɔn sidɔm so na di chia na Izrɛl, ɛn na mi sem wan dɔn bil os fɔ PAPA GƆD, Izrɛl dɛn PAPA GƆD.

1 Kiŋ 8:24

yu kip yu prɔmis to yu savant, Devid mi papa, ɛn ɔl wetin yu bin tɔk nain yu dɔn du so tide.

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.