Jɔshwa 21:44 - Krio Fɔs Oli Baybul

⁴⁴ PAPA GƆD mek dɛn bit ɔl dɛn ɛnimi dɛn bikɔs I bin prɔmis dɛn fɔstɛmpapa dɛm se in go mek dɛn ɛnjɔy pis na di land we in go gi dɛn. PAPA GƆD du wetin i bin prɔmis se i go du ɛn nɔn pan dɛn ɛnimi dɛn nɔ bin ebul bit dɛn.

Jɔshwa 21:44 Referans Kwoze

Jɔshwa 11:23

Jɔshwa dɛn kɔnka di wanol land, divayd di difrɛn fambul dɛn ɛn gi dɛn ɔl dɛn yon pat na di land ɛn dɛn ɔl bin de wit kol at.

Di Ibru Pipul Dɛn 4:9

Wetin Gɔd tɔk sho wi se, tɛm stil de we Gɔd in pipul dɛn go blo lɛkɛ aw Gɔd blo di de we mek sɛvin.

Ɛksodɔs 23:31

A go mek una bawndri bigin na di Rɛd Si te rich to di Filistin dɛn Si, dɔn frɔm di ples we pɔsin nɔ go ebul tap te rich dɔŋ di Riva Yufretis. A go mek una ebul di pipul dɛn we de na di kɔntri ɛn una go drɛb dɛn as una de go.

Jɔshwa 22:9

So di Rubɛn, di Gad ɛn Istɛn Manasɛ fambul, kɔmɔt na di Izrɛlayt dɛn we de Shaylɔ dɛn land ɛn go na dɛn yon land na Giliad na di ist say to Riva Jɔdan. Mozis bin dɔn tɛl dɛn lɔlɔntɛm se na di land dawande we PAPA GƆD se in go gi dɛn.

Jɔshwa 22:4

I tɛl dɛn se PAPA GƆD we na dɛn PAPA GƆD dɔn du wetin I bin se in go du; I dɔn ɛp dɛn brɔda dɛn gɛt dɛn land. I se as we Mozis bin dɔn gi dɛn land na di ist pat to Riva Jɔdan, dɛn kin go bak na dɛn yon land.

Jɔshwa 1:15

te te PAPA GƆD mek dɛn ɛp di ɔda fambul dɛn kapchɔ di land we PAPA GƆD we na dɛn PAPA GƆD de gi dɛn fɔ dɛnsɛf. I se, datɛnde, dɛn kin go bak go tap na dɛn yon land we de na di say we dɛn tinap na Riva Jɔdan usay san kin kɔmɔt, di land we Mozis we na PAPA GƆD in wokman bin dɔn tɛl dɛn se na dɛn yon.

Jɔshwa 1:13

da tɔk we Mozis we na bin PAPA GƆD in wokman, bin tɔk, we i bin se PAPA GƆD we na dɛn PAPA GƆD se in go gi dɛn ples we dɛn go de we nɔbɔdi nɔ go ambɔg dɛn, na di land dawande.

Ɛksodɔs 33:14

PAPA GƆD ansa Mozis. I se, “Misɛf sɛf go de wit yu ɛn yu go gɛt kol at.”

Ditarɔnɔmi 21:10

Mozis tɛl dɛn se ɛnitɛm we dɛn fɛt ɛn PAPA GƆD mek dɛn kapchɔ dɛn ɛnimi dɛn,

Jɔshwa 23:1

Lɔlɔntɛm afta PAPA GƆD bin gi di difrɛn difrɛn fambul na Izrɛl land fɔ tap, dat na di tɛm we Jɔshwa bin dɔn ol bad bad wan,

Ayzaya 63:14

Lɛk we kaw dɛn kin de go dɔŋ dɛn vali, na so PAPA GƆD in spirit bin mek dɛn rɛst. Na so yu bin lid yu pipul dɛn fɔ mek big nem fɔ yusɛf.

Ditarɔnɔmi 2:36

Mozis se frɔm Aroa we de nia di Anɔn vali ɛn di siti we de na di vali te rich Giliad, nɔn siti nɔ bin de we PAPA GƆD we na dɛn PAPA GƆD nɔ bin mek dɛn nɔ kapchɔ.

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Jɔshwa 2:24

Dɛn tɛl am se fɔ tru tru, PAPA GƆD dɔn gi dɛn da land de, ɛn ɔl di pipul dɛn dɔn fred dɛn di Izrɛlayt dɛn.

Jɔshwa 11:8

PAPA GƆD mek di Izrɛlayt dɛn kil kil dɛn ɛn rɔnata dɛn go fa fa na di nɔth te rich Misrɛpɔth Maim ɛn Saydɔn. Na di ist say, dɛn rɔnata dɛn te rich Mizpa Vali. Dɛn fɛt te nɔn pan dɛn ɛnimi dɛn nɔ lɛf.

Jɔshwa 11:12

Jɔshwa kapchɔ ɔl dɛn siti dɛn de, kil ɔl di kiŋ dɛn ɛn dɛn pipul dɛn ɛn bɔn sɔm pan dɛn to ashis jɔs lɛkɛ aw Mozis bin tɛl an fɔ du.

2 Kronikuls 13:16

Di man dɛn na Izrɛl rɔnawe pan di man dɛn na Juda ɛn PAPA GƆD put dɛm na dɛn an.