Jɔshwa 21:43 - Krio Fɔs Oli Baybul

⁴³ PAPA GƆD bin dɔn prɔmis di Izrɛlayt dɛn fɔstɛmpapa dɛm se in go gi dɛn di land ɛn ɔl wetin i bin prɔmis, I du so. Di Izrɛlayt dɛn dɔn gɛt di land to dɛnsɛf.

Jɔshwa 21:43 Referans Kwoze

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.

Jɛnɛsis 28:4

Mek PAPA GƆD mek di blɛsin we i bin dɔn gi Ebraam fala yu ɛn yu gret grampikin dɛn, ɛn mek dis land we wi de so naw as trenja bi yu yon bikɔs PAPA GƆD bin dɔn gi Ebraam!”

Di Sam Dɛm 44:3

Noto di tin dɛn we dɛn gɛt fɔ fɛt ɔ di fɛt we dɛn fɛt sɛf mek dɛn gɛt di land; na bikɔs yu bin de wit dɛn ɛn bikɔs yu lɛk dɛn.

Ditarɔnɔmi 11:31

I se dɛn go gɛt fɔ krɔs Riva Jɔdan go kapchɔ di land we na PAPA GƆD we na dɛn PAPA GƆD bin dɔn gi dɛn, ɛn dɛn fɔ tek an fɔ dɛnsɛf ɛn tap de.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Ditarɔnɔmi 17:14

Mozis tɛl di Izrɛlayt dɛn se, in no se we dɛn go dɔn sɛtul na di land we PAPA GƆD we na dɛn PAPA GƆD go dɔn gi dɛn, dɛnsɛf go want dɛn yon kiŋ lɛkɛ di ɔda neshɔn dɛn we de nia dɛn.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Ditarɔnɔmi 34:4

Nain PAPA GƆD tɛl am se, na di land dawande we i bin swɛ to Ebraam, Ayzak ɛn Jekɔb se i go gi dɛn jɛnareshɔn. I tɛl am se, I dɔn mek i si am wit in yay, bɔt i nɔ go gri mek i go de.

Di Nɔmba Dɛm 33:53

Dɛn fɔ mek shɔ se dɛn mek di land bi dɛn yon ɛn sɛtul de bikɔs a dɔn gi dɛn di land fɔ bi dɛn yon.

Jɔshwa 21:42

Plɛnti pan dɛn siti dɛn de gɛt land dɛn rawnd dɛn we plɛnti gras de gro fɔ animal fɔ it.

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.

Nɛimaya 9:24

Dɛn bɔypikin dɛnsɛf go insay go tek kɔntrol ɔf di land. Yu lili di Kenanayt dɛn we bin tap na di land bifo dɛn, yu an ova di Kenanayt wit dɛn Kiŋ dɛn ɛn di pipul dɛn we bin tap na di land, gi dɛn fɔ du wetin dɛn want.

Di Nɔmba Dɛm 34:2

“Gi di Izrɛlayt dɛn dis ɔda, tɛl dɛn se, we dɛn dɔn go insay Kenan, na di bawndri dɛn dis we di say we dɛn gɛt as dɛn prɔpati fɔ gɛt.

Ditarɔnɔmi 12:29

Mozis wɔn di Izrɛlayt dɛn se we PAPA GƆD we na dɛn PAPA GƆD go dɔn dɔnawe wit ɔl di pipul dɛn we bin de na di land we dɛn bin de go kapchɔ fɔ dɛnsɛf fɔ de,

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Di Jɔj Dɛm 11:24

I mek dɛn aks am igen se if i nɔ go tek wetin Chɛmɔsh we na dɛn gɔd gi am. I se so dɛn de kip ɔl wetin PAPA GƆD we na dɛn PAPA GƆD dɔn gi dɛn.

1 Samiɛl 12:8

I tɛl dɛn aw Jekɔb ɛn in famili bin go de na Ijipt we di Ijipshian dɛn bin de du dɛn bad, dɛn beg PAPA GƆD fɔ ɛp dɛn dɔn in sɛn Mozis ɛn Erɔn we go pul dɛn grampa dɛn na Ijipt ɛn lɛf dɛn fɔ sɛtul usay dɛn de so.

2 Kronikuls 20:8

Ɛn dɛn dɔn tap de, ɛn dɔn bil oli ples fɔ ɔna yu nem, ɛn se,

Di Sam Dɛm 78:55

As dɛn de go insay di land na so PAPA GƆD de drɛb dɛn ɔda neshɔn we bin de de ɛn sheb sheb di land to di Izrɛlayt dɛn fɔ lɛ i bi dɛn yon; I mek dɛn ɔl sɛtul na dɛn os dɛn.

Di Sam Dɛm 105:8

I go kip in Kɔvinant sote go, dɔn i nɔ go ɛva fɔgɛt di prɔmis dɛn we i mek to una.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.