Jɔshwa 21:4 - Krio Fɔs Oli Baybul

⁴ As we dɛn bin dɔn aks PAPA GƆD, na di Kɔath famili fɔs bin gɛt land na di Livayt fambul. Di Livayt dɛn we na Erɔn in bɔnshɔ, gɛt tɔtin siti we dɛn bin tek tek pan di Juda, Simiɔn ɛn Bɛnjamin fambul dɛn yon land dɛn gi dɛn.

Jɔshwa 21:4 Referans Kwoze

Jɔshwa 24:33

Elɛaza we na Erɔn yon pikin sɛf bin day; dɛn bɛr in na Gibɛa. Dat na di siti we dɛn bin gi Finɛas in bɔypikin. Di siti de na Ifrem ɔp di mawnten.

Di Nɔmba Dɛm 3:27

Di Amramayt, di Izaayt, di Ɛbrɔnayt ɛn di Uziɛlayt dɛn ɔl kɔmɔt na Koath in famili; so na dɛn na di Koathayt.

Jɔshwa 21:3

Bikɔs na PAPA GƆD bin dɔn tɛl dɛn traŋa wan se fɔ gi dɛn da kayn land de, Jɔshwa ɛn di bigman dɛn na Izrɛl du wetin PAPA GƆD se.

Jɔshwa 21:5

Di balans na di Kɔath famili bin gɛt tɛn siti we dɛn tek tek pan di Ifrem, Dan ɛn af pan di Manasɛ fambul land gi dɛn.

Ɛksodɔs 6:16

Livay bin gɛt tri bɔypikin dɛn we na: Gashɔn, Koath ɛn Mɛrari. Dɛn na bin di papa dɛn fɔ di fambul dɛn we gɛt dɛn nem. Livay bin ol wan ɔndrɛd ɛn tati sɛvin ia we i day.

Ɛksodɔs 6:20

Amram mared in dadi in sista Jokabɛd. Jokabɛd bɔn Erɔn ɛn Mozis fɔ am. Amram bi ol wan ɔndrɛd ɛn tati sɛvin ia we i day.

1 Kronikuls 6:39

Ɛn in brɔda Esaf we bin de tinap nain raytan, dat na Esaf we na Bɛrɛkaya, Shimea in bɔypikin, bɔn.