Jɔshwa 20:8 - Krio Fɔs Oli Baybul

⁸ Na di ist pat to Riva Jɔdan, dat na di flat grɔn we de na di ist Jɛriko, dɛn pik Bɛza we de na Rubɛn fambul kɔntri, Ramɔt we de Gilyad na di Gad fambul kɔntri ɛn Golan we de na Beshan na Manasɛ kɔntri.

Jɔshwa 20:8 Referans Kwoze

1 Kronikuls 6:78

Ɛn Jeriko oba Jɔdan na di ist pat na Jɔdan, pan di Rubɛn fambul dɛn land: Bɛza we de na di flat land we gɛt plɛnti gras bɔt nɔ gɛt bɛtɛ tik dɛn, ɛn ɔl in land dɛn we plɛnti gras de gro fɔ fid animal, Jeza ɛn ɔl in land dɛn we plɛnti gras de gro fɔ fid animal,

Jɔshwa 21:36

Pan di Rubɛn fambul dɛn land, dɛn gi dɛn Bɛza ɛn Jaaz,

Jɔshwa 21:38

Pan di Gad fambul dɛn yon land, na fo siti wit ɔl dɛn land dɛn we plɛnti gras de gro fɔ animal fɔ it, dɛn kɔt gi di Mararitɛ famili. Di siti dɛn na Ramɔt na Giliad (Ramɔt na wan pan di siti dɛn we pɔsin we mistek kil pɔsin kin go ayd) Maanaim,

Jɔshwa 21:27

Dɛn bin gi di Gashɔnayt dɛn we dɛnsɛf na wan pan di famili dɛn na di Livayt fambul, land we dɛn kɔt kɔmɔt pan af di Manasɛ fambul land. Di siti dɛn we dɛn gi dɛn na Golan we de na Beshan, we na wan pan di siti dɛn we pɔsin we mistek kil pɔsin kin go ayd, ɛn Bishtara wit ɔl dɛn land dɛn we plɛnti gras de gro fɔ animal fɔ it.

1 Kronikuls 6:80

Pan di Gad fambul dɛn yon: Ramɔt we de na na Giliad ɛn ɔl in land dɛn we plɛnti gras de gro fɔ fid animal, Maanaim ɛn ɔl in land dɛn we plɛnti gras de gro fɔ fid animal,

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Ditarɔnɔmi 4:43

If na Rubɛnayt, i fɔ rɔnawe go na Bizɔ siti we na flat land. If di pɔsin na Gadayt, i fɔ rɔnawe go na Ramɔt na Giliad ɛn di Manasayt dɛn fɔ go na Golan na Beshan.

Ditarɔnɔmi 3:10

I se dɛn bin kapchɔ ɔl di siti dɛn we de na di flat grɔn, di wan dɛn na di mawnten, Giliad ɛn Beshan, te rich Salɛka ɛn Ɛdriay, di siti dɛn na Ɔg kindɔm na Beshan.

Jɔshwa 20:7

So, na di wɛst pat to Riva Jɔdan, dɛn pik Kɛdɛsh we de na Galili we de na di mawnten na Naftali, Shɛkɛm we de na di mawnten na Ifrem ɛn Ɛbrɔn we de na di il dɛn na Juda.

Jɔshwa 20:9

Ɛni Izrɛlayt ɔ fɔrina we mistek kil pɔsin kin go ayd na wan pan dɛn siti dɛn ya. I go de de te dɛn kɛr am go kɔt fɔ no aw dat apin ɛn di pɔsin we wan rivɛnj fɔ in pɔsin we i mistek kil, nɔ sɔpoz fɔ kil am, pas te dɛn fɛnɔt se i gilti.

2 Kiŋ 8:28

Aazaya jɔyn an wit Joram we na Eab in bɔypikin fɔ fɛt wa wit Azaɛl we na Kiŋ na Siria na Ramɔt Giliad. Di Sirian dɛn wund Joram;