Jɔshwa 2:17 - Krio Fɔs Oli Baybul

¹⁷ Bifo di man dɛn go, dɛn prɔmis Reab se dɛn go du wetin dɛn dɔn swɛ se dɛn go du.

Jɔshwa 2:17 Referans Kwoze

2 Samiɛl 21:7

Di kiŋ nɔ mek Mɛfiboshɛth we na Jonɛthan in pikin ɛn Sɔl in grampikin de de bikɔs in ɛn Jonɛthan we na Sɔl in bɔypikin bin dɔn swɛ bifo PAPA GƆD.

Di Nɔmba Dɛm 30:2

I se PAPA GƆD se wɛn ɛni man de mek prɔmis to PAPA GƆD ɔ wɛn ɛni man de swɛ ɔ mek plɛj fɔ se in go du sɔntin, i fɔ kip in wɔd ɛn du ɔltin we i se i go du.

Jɔshwa 2:20

Di tu man we Jɔshwa sɛn fɔ kam wach di land wɔn Reab siriɔs wan se if i tɛl ɛnibɔdi bɔt wetin dɛn dɔn plan, nɔbɔdi nɔ go blem dɛn tu if ɛnitin apin to Reab dɛn ɛn di swɛ go go bɔf.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Jɔshwa 2:18

Dɛn tɛl Reab se, di de we dɛn go atak di siti, i fɔ tay da rɛd rop we dɛn de tek go dɔŋ di winda ɛn fɔ gɛda ɔl in fambul dɛn we i wan lɛ dɛn sev nain yon os.