Jɔshwa 2:15 - Krio Fɔs Oli Baybul

¹⁵ Reab in os bin de na di siti in wɔl. So i mek dɛn klem kam dɔŋ di wɔl wit rop.

Jɔshwa 2:15 Referans Kwoze

Apɔsul Dɛn Wok 9:25

Bɔt wan nɛt, dɛn pipul we bin biliv wetin Sɔl bin de tɔk bɔt Jizɔs, put Sɔl na blay ɛn pas am oba di wɔl we de rawnd di tɔŋ.

2 Kɔrint 11:33

Bɔt di Kristiɛn dɛn put mi insay blay, pas di blay na wan say we opin na di wɔl, sɛn am dɔŋ; na dat mek di gɔvna nɔ kech mi.

Jɔshwa 6:20

So di man dɛn we de mek sakrifays fɔ pipul sin we ol di trɔmpɛt dɛn, blo dɛn. As dɛn blo di trɔmpɛt dɛn so, nain di pipul dɛn ɔl ala lawd lawd wan ɛn di wɔl we de rawnd Jɛriko, fɔdɔm flat wan na grɔn. Di Izrɛlayt dɛn ɔl rɔn go insay di siti ɛn kapchɔ di siti.

Jɔshwa 2:14

So di tu man dɛn we Jɔshwa bin sɛn go wach di land tɛl Reab se if i nɔ tɛl nɔbɔdi bɔt dɛn ɛn wetin dɛn go de fɔ ɛn stil sev dɛn layf, dɛnsɛf go waka tret wit am ɛn sev in ɛn in fambul dɛnsɛf yon layf we PAPA GƆD go mek dɛn ebul kapchɔ di land.

Jɔshwa 2:16

So Reab advays dɛn fɔ go ayd ɔp di il dɛn so dat di kiŋ in man dɛn nɔ go mit dɛn na rod. I se we di kiŋ in man dɛn go dɔn luk fɔ dɛn fɔ tri de, dɛn go tɔn bak go Jɛriko. Datɛnde, dɛn go fri fɔ go bak na dɛn kamp.