Jɔshwa 2:14 - Krio Fɔs Oli Baybul

¹⁴ So di tu man dɛn we Jɔshwa bin sɛn go wach di land tɛl Reab se if i nɔ tɛl nɔbɔdi bɔt dɛn ɛn wetin dɛn go de fɔ ɛn stil sev dɛn layf, dɛnsɛf go waka tret wit am ɛn sev in ɛn in fambul dɛnsɛf yon layf we PAPA GƆD go mek dɛn ebul kapchɔ di land.

Jɔshwa 2:14 Referans Kwoze

Matyu 5:7

“Dɛn wan we de sɔri fɔ ɔda pipul, gɛt blɛsin, bikɔs Gɔd insɛf go sɔri fɔ dɛn di de we i go jɔj mɔtalman!

Prɔvabs 18:24

Nɔto ɔl padi na padi, bɔt sɔm padi dɛn de we pas brɔda.

Jɛnɛsis 24:49

I tɛl Ribɛka in pipul dɛn se, “If una want du gud to mi masta Ebraam, una tɛl mi; if nɔto so igen, una tɛl mi, mek a go no wetin fɔ du.”

1 Kiŋ 20:39

As di kiŋ de pas, nain i ala am se, “kiŋ, yu savant bin de fɛt na wɔfrɔnt, wantɛm nain wan man kam mit mi wit wan man we i kech se lɛ a kip am na tayt ples te i kam. I se if di man lɔs, insɛf go lɔs mi layf ɔ a pe tati-fo kil silva kɔpɔ.

2 Samiɛl 9:1

Wande, Devid jɛs grap aks if ɛnibɔdi lɛf pan Sɔl in famili we i kin du gud to fɔseka Jonɛthan.

1 Samiɛl 20:8

Devid se dɛn ɔltu bin dɔn swɛ se dɛn go bi tayt padi so mek Jonɛthan nɔ kɔmɔt biɛn am. I se if Jonɛthan no se i nɔ de du fayn to in papa we na Sɔl, i bɛtɛ lɛ insɛf sɛf kil am bifo i mek in papa kil am.

Jɔshwa 6:25

Jɔshwa sev da rare gial we nem Reab ɛn in fambul dɛn, ɛn dɛn de na Izrɛl te di tɛm we dɛn bin de rayt dis buk bikɔs i bin ayd di man dɛn we jɔshwa bin sɛn go wach di land.

Jɔshwa 6:17

I se dɛn go sakrifays ɔltin we de na di siti to PAPA GƆD, pas da rare gial we nem Reab ɛn in fambul dɛn we de na os to an, bikɔs na im bin ayd di man dɛn we i bin sɛn go wach di land.

Jɔshwa 2:13

I se dɛn fɔ si dat dɛn nɔ kil in papa, in mama, in brɔda ɛn sista dɛn ɛn dɛn wɛf, man ɛn pikin dɛn.

Jɔshwa 2:15

Reab in os bin de na di siti in wɔl. So i mek dɛn klem kam dɔŋ di wɔl wit rop.

Jɛnɛsis 47:29

Wɛn Jekɔb bin no se i wan day, i sɛn kɔl in bɔypikin Josɛf ɛn se if i no se i lɛk am fɔ tru tru, put lɛ Josɛf put in an midul in di Jekɔb in lɛg ɛn swɛ se i nɔ go bɛr am insay Ijipt.

Jɔshwa 6:22

Nain Jɔshwa tɛl di tu man we bin go wach di land se lɛ dɛn go tek da rare gial ɛn ɔl in pipul dɛn we de na os to an, jɛs lɛkɛ aw dɛn bin dɔn prɔmis se dɛn go du.

2 Samiɛl 2:5

i sɛn pipul to dɛn fɔ go tɛl dɛn tɛnki fɔ wetin dɛn du. I se “PAPA GƆD go blɛs una fɔ we una trit una masta Sɔl wit rɛspɛkt we una bɛr am.

2 Samiɛl 2:6

Mek PAPA GƆD insɛf sho una aw i gud ɔltɛm ɛn nɔ de lɛf una to unasɛf ɛn misɛf go trit una fayn fɔ dis tin we una du.”

Prɔvabs 14:22

Ɛnibɔdi we de plan bad de mek mistek, bɔt yu de plan gud go gɛt pipul fɔ lɛk am ɛn trɔs am.

Apɔsul Dɛn Wok 23:22

Di edman tɛl am se, “Nɔ tɛl nɔbɔdi se yu dɔn tɛl mi dɛn tin ya.” I tɛl di yɔŋman fɔ go.