Jɔshwa 19:51 - Krio Fɔs Oli Baybul

⁵¹ Na Ɛlieza we na man we de mek sakrifays fɔ pipul sin, Jɔshwa we na Nɔn in pikin ɛn di edman dɛn fɔ di difrɛn difrɛn fambul ɛn famili dɛn na Izrɛl bin sheb di land bay we dɛn bin aks PAPA GƆD fɔ sho dɛn usay udat fɔ gɛt. Na so dɛn bin sheb di land dɔn.

Jɔshwa 19:51 Referans Kwoze

Jɔshwa 18:10

Jɔshwa fɛnɔt to PAPA GƆD insay Shilɔ de. We i gɛt di ansa, i sheb di land wan wan pat to di sɛvin fambul dɛn we nɔ bin gɛt dɛn yon land yet.

Jɔshwa 14:1

Ɛlieza we na man we de mek sakrifays fɔ pipul sin, Jɔshwa we na Nɔn in pikin ɛn di Papa dɛn na Izrɛl, sheb di land na kenan we de na di wɛst pat na Riva Jɔdan gi di Izrɛlayt dɛn.

Jɔshwa 18:1

Di Izrɛlayt dɛn bin dɔn kapchɔ di wanol land. So dɛn ɔl go mit na Shilɔ usay dɛn go mek ples we dɛn put di Ak ɔf di Kɔvinant.

Jɔn 17:2

Yu gi am pawa fɔ rul mɔtalman, so dat i kin gi ɔl dɛn wan we yu gi am, layf we go de sote go.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Matyu 20:23

Jizɔs se, “Una go sɔfa lɛkɛ aw a go sɔfa, bɔt a nɔ gɛt di pawa fɔ mek una sidɔm na mi raytan ɔ lɛfan, mi Papa dɔn kip dɛn ples de fɔ dɛn pipul we i dɔn mak fɔ lib de.”

Di Sam Dɛm 78:60

I kɔmɔt usay i de na Shaylɔ usay i bin dɔn tap di tɛm we i bin tap wit mɔtalman.

1 Samiɛl 1:3

Ɛvri ia dis man kin kɔmɔt usay i tap na Rama, i kin go ɔp na Shaylɔ fɔ go wɔship PAPA GƆD Ɔlmayti de ɛn mek sakrifays to am. Na de Ofni ɛn Finɛas we na Ilaɛl in bɔypikin dɛn bin de as man dɛn we de mek sakrifays fɔ pipul sin to PAPA GƆD.

Di Jɔj Dɛm 21:21

ɛn de wach; we Shaylɔ uman dɛn kɔmɔt fɔ dans di tɛm we dɛn kin dans, dɛn fɔ kɔmɔt na di greps fam dɛn go kech wan wan pan di Shaylɔ uman dɛn we go bi dɛn wɛf, ɛn kɛr dɛn go na dɛn land.

Di Jɔj Dɛm 21:19

Nain dɛn se, di fɛstival we dɛn kin ol ebri ia fɔ PAPA GƆD na Shaylɔ we de na di nɔt pat to Bɛtɛl, di ist pat to di rod we kɔmɔt Bɛtɛl go Shɛkɛm, ɛn di sawt pat to Libanɔn, de kam.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Apɔsul Dɛn Wok 13:19

Gɔd mek dɛn pul sɛvin neshɔn kɔmɔt na da kɔntri we nem Kenan, dɔn i mek dɛn sheb di ples gi di Izrɛl pipul dɛn.

Jɔshwa 20:1

Apat frɔm ɔl dɛn tin dɛn de we dɔn pas, PAPA GƆD tɛl Jɔshwa lɛ i tɛl di Izrɛlayt dɛn se,