So, na di wɛst pat to Riva Jɔdan, dɛn pik Kɛdɛsh we de na Galili we de na di mawnten na Naftali, Shɛkɛm we de na di mawnten na Ifrem ɛn Ɛbrɔn we de na di il dɛn na Juda.
Pan di Naftali fambul dɛn land, na tri siti wit ɔl dɛn land dɛn we plɛnti gras de gro fɔ animal fɔ it, dɛn kɔt gi di Gashɔnayt famili. Di siti dɛn na Kɛdɛsh we de Galili, ɛn na wan pan di siti dɛn we pɔsin we mistek kil pɔsin kin go ayd, Amɔth ɛn Katan.
Wande, Dɛbora sɛn kɔl Barak we na Abinoam we kɔmɔt Kedɛsh na Naftali in bɔypikin. I tɛl am se PAPA GƆD we na di PAPA GƆD na Izrɛl dɔn tɔk traŋa wan se, in Barak fɔ gɛda tɛn tawzin man na di Naftali fambul ɛn di Zɛbyulɔn fambul go Mawnt Tabɔ.
Di tɛm we Peka bin de rul, Kiŋ Tiglat Pilɛsa na Asiria go kapchɔ Ijɔn, Ebɛl Bɛth Maaka, Janoa, Kedɛsh ɛn Ezɔ. I kapchɔ ɔda ples dɛn lɛkɛ Giliad, Galili ɛn ɔl di ɔda ples na Naftali, ɛn kech ɔl di pipul kɛr dɛn go Asiria.
