Jɔshwa 18:7 - Krio Fɔs Oli Baybul

⁷ Jɔshwa mek an klia to dɛn se di Livay fambul nɔ gɛt pan di land bikɔs na dɛn PAPA GƆD dɔn pik fɔ sav am. I se di Gad fambul, di Rubɛn fambul ɛn af pan di Manasɛ fambul dɛn dɔn gɛt dɛn yon land na di ist pat oba Riva Jɔdan we Mozis bin dɔn gi dɛn.

Jɔshwa 18:7 Referans Kwoze

Jɔshwa 13:33

Mozis nɔ bin gi di Livay fambul land bikɔs PAPA GƆD bin dɔn se na wetin dɛn de gɛt we pipul dɛn mek sakrifays to in PAPA GƆD we na Izrɛl dɛn PAPA GƆD na dɛn yon prɔpati we i gi dɛn.

Di Nɔmba Dɛm 18:20

PAPA GƆD tɛl Erɔn se “Yu nɔ go gɛt pan di land we dɛn de sheb ɛn yu nɔ go gɛt pan ɛnitin. Pan ɔl di Izrɛlayt dɛn, na mi na yu yon, mi na yu prɔpati.

Ditarɔnɔmi 10:9

Na dat mek PAPA GƆD nɔ bin gi di Livayt dɛn prɔpati we i bin de gi di ɔda fambul dɛn; na fɔ wok fɔ PAPA GƆD na dɛn yon prɔpati, ɛn na dat i bin dɔn tɛl Erɔn.

Di Nɔmba Dɛm 18:23

Na di Livayt dɛn fɔ wok na di Tɛnt usay dɛn kin mit ɛn so na dɛn rɛspɔnsibul fɔ ɛnitin we go rɔŋ de. Dis na tin we fɔ bi to ɔl jɛnareshɔn. Dɛnsɛf nɔ go gɛt fɔ gɛt pan ɛni prɔpati we di Izrɛlayt dɛn sheb.

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

Jɔshwa 12:6

Na Mozis we na bin PAPA GƆD in wokman ɛn di Izrɛlayt dɛn bin kɔnka dɛn. Mozis bin sheb di land gi di Rubɛnayt, di Gadayt ɛn af pan di Manasɛ fambul dɛn.